26-iyun kuni “Butunjahon yoshlar festivali” ochilish marosimi hamda 27-iyun kuni “Silk Road Samarkand” majmuasida “Islom dunyosi yoshlari bogʻi” daraxt ekish marosimi boʻlib oʻtdi.

Ochilish marosimida Islom hamkorlik tashkilotiga aʼzo mamlakatlar delegatsiya rahbarlarining kirish soʻzlari tinglandi.

Forum 2 ta sessiya asosida tashkil etildi:

1-sessiya: “Gender jihatlarini hisobga olgan holda, zamonaviy bilim va kasblarni egallashlari uchun sharoit yaratish orqali yoshlarning iqtisodiy imkoniyatlarini kengaytirish”;

2-sessiya: Yoshlar prizmasi orqali global muammolarni hal qilish: Biz bu dunyoni yaxshiroq joyga aylantiramiz.

Forum doirasida “Islomda yoshlar taʼlim-tarbiyasiga eʼtibor”, “Hozirgi zamon va anʼanaviy qadriyatlar”, “Oʻzbekiston – buyuk allomalar diyori”, “Oʻzbekistonda yoshlar uchun amalga oshirilayotgan islohotlar”, “Imom Buxoriy ilmiy merosida shaxs ijtimoiy tarbiyasi asoslari” kabi mavzularda maʼruzalar tinglandi.

Forum oʻz ishini davom ettiradi.