O‘zbekiston Respublikаsi Din ishlаri bo‘yichа qo‘mitаsi

Joriy yilning 22–23-aprel kunlari O‘zbekiston Respublikasi Din ishlari bo‘yicha qo‘mitasi, O‘zbekiston musulmonlari idorasi, Sog‘liqni saqlash vazirligi hamda UNICEF hamkorligida “Ona-bola salomatligi: homiladorlik paytida parvarish va qo‘llab-quvvatlash yo‘riqnomasi” taqdimotiga bag‘ishlangan seminar bo‘lib o‘tmoqda.

Mazkur seminarda 40 nafarga yaqin imom-xatib va otinoyilar ishtirok etib, ona va bola salomatligini mustahkamlash, homiladorlik davrida tibbiy xizmatlardan o‘z vaqtida foydalanish, shuningdek, jamiyatda sog‘lom xulq-atvorni shakllantirishda diniy soha vakillarining o‘rni yuzasidan fikr almashdilar.

Tadbirning kirish qismida Din ishlari bo‘yicha qo‘mita raisi o'rinbosari M.Qaxxarova ishtirok etib, ona va bola salomatligini ta’minlashda diniy soha vakillarining o‘rni muhim ekanini ta’kidladi hamda ushbu yo‘riqnoma aholining tibbiy madaniyatini oshirishga xizmat qilishini qayd etdi.

Shuningdek, mutaxassislar tomonidan mavjud holat, muammolar va ularni bartaraf etish yo‘llari bo‘yicha taqdimotlar o‘tkazildi, amaliy mashg‘ulotlar tashkil etildi.

Tadbir ertaga yakunlanib, unda ishtirokchilar tomonidan yo‘riqnoma yuzasidan takliflar ishlab chiqilishi hamda yakuniy xulosalar qabul qilinishi rejalashtirilgan.

Din ishlari boʻyicha qoʻmita 
Axborot xizmati