Qashqadaryo viloyati hokimi Murotjon Azimov Yaponiya delegatsiyasi bilan uchrashuv o‘tkazdi
2026-09-26 18:30:00 / Yangiliklar
Muloqotda yoshlarimizni kasblarga tayyorlash, ularni munosib ish o‘rinlariga yo‘naltirish va bu borada ishonchli hamkorlik tizimini yo‘lga qo‘yish masalalari muhokama qilindi.
Viloyat rahbari Qarshi shahridagi Yapon tili va kasbiy malaka instituti, uning Shahrisabz filiali hamda «Orion» yapon maktabi imkoniyatlarini birlashtirgan holda yoshlarga yapon tili, zamonaviy kasb va amaliy ko‘nikmalarni o‘rgatish taklifini bildirdi.
Uchrashuv yakunida Yaponiyada talab yuqori bo‘lgan kasblar, nomzodlarga qo‘yiladigan talablar, o‘qish muddati va xarajatlar bo‘yicha aniq kelishuvlarga erishish, shuningdek, dastlabki o‘quv guruhlarini shakllantirish bo‘yicha amaliy ishlarni boshlash taklif qilindi.