Qashqadaryo viloyati hоkimligi

Xabar berganimizdek, bugun Qashqadaryo viloyati hokimi Murotjon Azimov IT sohasi vakillari bilan uchrashib, ularning muammo va takliflarini tingladi. Qator takliflar ma’qullanib, amalga oshirishga kelishib olindi.

Muloqotda ta’kidlandiki, bugungi kunda 67 ta IT park rezident korxonalari faoliyat yuritmoqda, ularda 700 ga yaqin yoshlar daromad topmoqda. 2026-yil IT eksporti 10 mln dollarga yetkaziladi. Qarshi shahrida yana bitta zamonaviy "IT park" quriladi. Kelgusi o‘quv yilidan IT va aniq fanlarga ixtisoslashgan Al-Xorazmiy maktabi tashkil etiladi. 2026-yil – Qashqadaryo uchun IT g‘oya izlash emas, IT mahsulot ishlab chiqarish yili bo‘ladi.

Murotjon Azimov:

Albatta, biz ham mehnat bozoridagi bu o‘zgarishlarga tayyor bo‘lishimiz kerak. 

Mamlakatimizda ham muhtaram Prezidentimiz rahbarligida ITni rivojlantirish, sun’iy intellekt texnologiyalarini joriy etish, ushbu yo‘nalishda malakali kadrlar tayyorlash davlat siyosati darajasiga ko‘tarildi.

Bu borada alohida Qarorlar qabul qilindi. Sun’iy intellektni rivojlantirish Strategiyasi ishlab chiqildi. 2030-yilga borib, O‘zbekistonni sun’iy intellekt bo‘yicha TOP-50 talik davlatlar qatoriga kirishi bo‘yicha ishlar boshlandi.

Vazirlikliklar, davlat idoralari, mahalliy hokimliklarda sun’iy intellekt bo‘yicha maslahatchi lavozimi joriy qilindi.

Uchrashuv davomida IT sohasida yuqori natijalarga erishganlar, ish o‘rinlari yaratganlar va qator tanlovlar g‘oliblari viloyat hokimining diplom va esdalik sovg‘alari bilan taqdirlandi.

Bu kabi tadbirlar yangi yil bayrami munosabati bilan har yilgi an’anaga muvofiq yuqori natijaga erishgan barcha soha vakillarini taqdirlab borish uchun davom etadi. 

G‘oliblar 👇👇👇

- Eng yaxshi ayol startapchi nominatsiyasi g‘olibi - Sodiqova Gulshana Muhiddin qizi;

- Eng yaxshi dasturchi nominatsiyasi - Quziboyev Sardor Zoirovich;

- Eng yaxshi IT eksporti korxonasi – "NNT EXPRESS INC" MCHJ, xalqaro bozorlarga muvaffaqiyatli 850 ming AQSH dollar eksport qilgan;

- Eng yaxshi bandligi ta’minlangan IT korxonasi – “Data Drive Qarshi” MCHJ, Moldova va AQSH davlatlariga 200 ming AQSH dollari hajmida eksportni amalga oshirgan va yoshlar uchun 69 nafar ish o‘rinlari yaratgan;

- Eng yaxshi IT o‘quv markazi -  “Axborot texnologiyalar klasteri” MCHJ, Zamonaviy IT bilimlarni berib, 250 nafar raqamli iqtisodiyotga yoshlarni jalb qilgan eng ilg‘or markaz;

"AI hackathon kashkadarya" tanlovi g‘oliblari

3-o‘rin g‘olibi - PlantCare jamoa a’zolari ( Narzullayev Dilshod Almurod o‘g‘li, Ermuminov Elbek Erkin o‘g‘li, Shamsiddinova Shahrizoda Baxtiyor qizi); 

2-o‘rin g‘olibi - FabricAI jamoa a’zolari ( Shodmonov Javohirbek, Ruziqulov Muzaffar Musirmon o‘g‘li);

1-o‘rin g‘olibi - Diagno AI jamoa a’zolari (Bozorov Shahobiddin Qaxramon o‘g‘li, Jahonov Javohir Jasur o‘g‘li, Panjiyev Sunnat Sherzod o‘g‘li, Shavkatov Mirjalol Ruslan o‘g‘li, Ummataliyev Ikboljon Kamoliddin o‘g‘li).