Mevali bogʻlarda zararli organizmlarga qarshi chora-tadbirlar
2026-03-05 14:50:00 / Yangiliklar
havo harorati +5°C dan yuqori boʻlganda, urugʻli meva daraxtlar – olma, nok va behilarni singan shox-shabbalar, nobud boʻlgan poʻstloqlar va zararkunandalar qoldiqlaridan tozalash;
iliq havo haroratida danak va urugʻli meva daraxtlariga shakl berish, butash, siyraklashtirish ishlarini amalga oshirish;
sovuqqa chidamsiz boʻlgan danaklilar: oʻrik, gilos, shaftoli, olxoʻri, olcha, togʻolcha va subtropik oʻsimliklardan xurmo daraxtlariga bahorga yaqin, fevralning ikkinchi yarmi, mart oyi boshidan shakl berish, butash ishlari olib borish;
kasallangan va ortiqcha novdalarni kesib olishda foydalaniladigan bogʻ arrasi, qaychi va pichoqlarni har bir daraxtdagi novdalarni kesganda 70% li etil spirti bilan dezinfeksiya qilish;
bakterial kuyish va monilioz bilan zararlangan novdalardagi kasallik boshlangan joyni 10-15 sm pastki qismidan kesib olib, kesilgan joyga bogʻ surtmasi yoki moyli boʻyoq surtish;
zararkunandalarning qishlab chiqish davrida harorat +7°C da neft moyli asosli preperatlar yoki uning analoglari bilan profilaktik kurash choralarini oʻtkazish;
monilioz, klyasterosporioz, kalmaraz va barg bujmayishi kasalliklariga qarshi 5% li OOQ (oltingugurt ohak qaynatmasi) yoki 3% li Bordo suyuqligi yoki 3% li mis kuporosi yoki 2-3% temir kuporosi bilan erta bahorda, kurtaklar boʻrtishidan oldin ishlov berish ishlarini tashkil etish;
kurtaklar boʻrtishidan oldin havo harorati +10°Cdan yuqori boʻlganda kurtaklar ochilganda va oʻsuv davrida 1% li Bordo suyuqligi bilan ishlov berish ishlarini tashkil etish zaruriy choralar hisoblanadi.
Mevali bogʻlarga xavf soluvchi zararli organimzlar haqida “Agrokoʻmakchi” mobil ilovalasida batafsil maʼlumot olishingiz mumkin.
Ilovani Play market (https://play.google.com/store/apps/details?id=uz.karantin.agrokomakchi) va App store (https://apps.apple.com/uz/app/agrokomakchi/id1658946098) platformalaridan yuklab olishingiz mumkin.