Markaziy eksport shtabining yoshlari o‘qitildi
2026-02-09 17:30:00 / Korrupsiyaga qarshi kurash
O‘zbekiston Respublikasi Prezidentining “Yoshlar tadbirkorligini hamda ularning bandligini taʼminlashga qaratilgan biznes loyihalarni qoʻllab-quvvatlash tizimini takomillashtirish chora-tadbirlari toʻgʻrisida” 2025-yil 14-fevraldagi PQ–60-son qarori 2-ilova 6.3-bandida qishloq xoʻjaligi mahsulotlari, shu jumladan meva-sabzavot eksportiga keng jalb etish maqsadida xorijiy tillarni oʻzlashtirgan yoshlarni eksport amaliyoti boʻyicha qisqa muddatli kurslarda oʻqitish belgilangan.
Ayni shu maqsadda Oʻsimliklar karantini va himoyasi agentligi, Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamg‘armasi hamda O‘zbekiston yosh fermerlari Kengashi bilan hamkorligida xorijiy tillarni oʻzlashtirgan yoshlarni eksport amaliyoti boʻyicha qisqa muddatli kurslarda oʻqitish to‘g‘risida qo‘shma qaror imzolandi.
O‘simliklar karantini va himoyasi agentligi Markaziy eksport shtabida faoliyat olib borayotgan yoshlar uchun qishloq xo‘jaligi mahsulotlarini eksport qilish jarayonlariga o‘rgatishga qaratilgan qisqa muddatli o‘quv kurslari tashkil etildi.
O‘quv kursida xalqaro savdo bo‘yicha chuqur bilimlarga ega bo‘lib, eksport va import bozorlariga kirish, bojxona talablari, logistika jarayonlarini boshqarish kabi murakkab vazifalarni samarali o‘zlashtirishga muvaffaq bo‘lishdi.
Shuningdek, O‘simliklar karantini va himoyasi agentligining Korrupsiyaga qarshi kurashish bo‘limi tomonidan korrupsiyaga qarshi kurashish yo‘nalishida amalga oshirilayotgan ishlar, shu sohadagi qonunchilik, normativ-huquqiy hujjatlar mazmun-mohiyati, talablari to‘g‘risida ma’lumotlar berildi.