Jizzax viloyati hokimligida korrupsiyaga qarshi kurashish tizimining faoliyat koʻrsatishi toʻgʻrisida 2025 yil 3 chorak UMUMIY HISOBOT
2025-10-30 08:00:00 / Yangiliklar
Viloyat hokimligi korrupsiyaga qarshi ichki nazorat shoʻ'basi tomonidan 2025 yil 9 oyi davomida joriy yilga moʻljallangan yoʻl xaritasida rejalashtirilgan hokimiyat tizimida korrupsiyaga qarshi kurashish boʻyicha faoliyatini takomillashtirish, korrupsiyaga oid huquqbuzarliklarni profilaktika qilish va ularga qarshi kurashish, korrupsiyaga qarshi kurashish tizimini samarali ishlashini ta'minlash, nazorat qilish va korrupsiyaga qarshi kurashish boʻyicha faoliyatni amalga oshiruvchi hamda unda ishtirok etuvchi boshqa davlat organlari va tashkilotlari bilan hamkorlikni olib borish sohalarida oʻziga yuklatilgan vazifa va funksiyalari doirasida chora-tadbirlar amalga oshirildi.
Oʻzbekiston Respublikasi Prezidentining 2021 yil 6 iyuldagi PF-6257-son Farmoniga 1-Ilovaga muvofiq tasdiqlangan korrupsiyaga qarshi kurashish boʻyicha 2021-2022 yillarga moʻljallangan davlat dasturining 26-bandi bilan viloyat hokimligiga yuklatilgan davlat organlari va tashkilotlarida korrupsiyaga qarshi ichki nazorat tuzilmalari samarali faoliyatini tashkil etish toʻgʻrisidagi chora-tadbiri ijrosi viloyat hokimining 2021 yil 27 sentyabr kungi 152-3-0-Q/21-son qarori bilan viloyat hokimligi Korrupsiyaga qarshi ichki nazorat shoʻ'basi tashkil etilgan.
II. Siyosat va tartib-taomillar
Viloyat, shahar va tumanlar hokimliklari hamda viloyat hokimligiga boʻysunuvchi muassasalarning korrupsiyaga qarshi kurashish tizimi samaradorligini yanada takomillashtirish maqsadida, Oʻzbekiston Respublikasi Prezidentining 2022 yil 12 yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora- tadbirlari toʻgʻrisida”gi PQ-81-sonli qarori talablari ijrosini ta'minlash maqsadida, hamda Oʻzbekiston Respublikasi Korrupsiyaga qarshi kurashish agentligining 2021 yil 10 sentyabrdagi 03-07/6280-sonli xatiga va 18 oktyabrdagi 01-07/6859-sonli tavsiyalariga muvofiq viloyat hokimligida korrupsiyaga qarshi kurashish boʻyicha asosiy ichki idoraviy hujjat namunalari:
- viloyat hokimligi tizimida korrupsiyaga qarshi kurashish boʻyicha siyosati;
- viloyat hokimligi tizimida korrupsiyaviy xavf-xatarlarni aniqlash va baholash uslubiyoti;
- viloyat hokimligi tizimida manfaatlar toʻqnashuvini boshqarish boʻyicha nizom;
- viloyat, shahar va tumanlar hokimliklariga aloqa kanallari orqali korrupsiyaviy xatti-harakatlar toʻgʻrisida kelib tushgan xabarlarni qabul qilish va koʻrib chiqish reglamenti;
- viloyat hokimligi tizimida xodimlarni korrupsiyaga qarshi kurashish sohasida oʻqitilishini tashkil qilish boʻyicha yoʻriqnoma;
- viloyat hokimligi tizimida kontragentlarni tekshirishga oid yoʻriqnoma;
- viloyat hokimligi tizimida ishga qabul qilinayotgan nomzodlarni tekshirish boʻyicha yoʻriqnoma;
- viloyat hokimligi tizimida Korrupsiyaga qarshi tartib-taomillarning samaradorligini monitoring va nazorat qilish Uslubiyoti;
- viloyat hokimligida korrupsiyaga qarshi kurashish tizimi holati toʻgʻrisidagi hisobotni shakllantirish va taqdim etish boʻyicha nizom;
- viloyat hokimligi tizimida xodimlarning korrupsiyaviy xatti-harakatlari va odob-ahloq qoidalarini buzish holatlari ustidan xizmat tekshiruvlari oʻtkazish reglamenti;
- viloyat hokimligi odob-ahloq namunaviy qoidalari;
- viloyat hokimligi korrupsiyaga qarshi ichki nazorat shu'basining faoliyati toʻgʻrisidagi namunaviy nizom;
- davlat xaridlarini oʻtkazish toʻgʻrisidagi nizomlari ishlab chiqilib viloyat hokimining 2022 yil 16 iyundagi “Viloyatda korrupsiyaga qarshi kurashish tizimi samaradorligini yanada takomillashtirish toʻgʻrisida”gi 306-3-0-Q/22-sonli qarori bilan tasdiqlanib, viloyat, shahar va tumanlar hokimliklari tizimida korrupsiyaga qarshi kurashish boʻyicha mexanizm va huquqiy asoslar yaratilib amaliyotga tatbiq etilishi ta'minlanib, viloyat hokimligi rasmiy veb-saytda joylashtirilgan.
Oʻzbekiston Respublikasi Prezidentining 2024 yil 5 iyundagi “Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosini ta'minlash maqsadida viloyat hokimining 2024 yil 14 iyundagi “Oʻzbekiston Respublikasi Prezidentining 2024 yil 5 iyundagi PQ-210-sonli qarori ijrosi haqida”gi 379-3-0-Q/24-sonli qarori tasdiqlangan.
2025 yil 6 oyi davomida viloyat, shahar-tuman hokimliklari faoliyatiga oid qabul qilingan normativ-huquqiy hujjatlar va ichki idoraviy hujjatlar korrupsiyaviy normalarni aniqlash va bartaraf qilish maqsadida oʻrganib chiqildi.
Oʻrganish davomida viloyat, shahar-tumanlar hokimliklarida qabul qilingan faoliyatiga oid normativ-huquqiy hujjatlar va ichki idoraviy xujjatlarda korrupsiyaviy normalar aniqlanmadi.
III. Xavf-xatarlarni baholash
Oʻzbekiston Respublikasi Prezidentining 2022 yil 11 maydagi “Davlat boshqaruvi sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada jamoatchilik ishtirokini kengaytirish chora-tadbirlari toʻgʻrisida”gi PQ-240-sonli qarori ijrosini ta'minlash maqsadida, viloyat hokimining 2022 yil 30 noyabrdagi “Viloyatda Korrupsiyaga qarshi kurashish tizimi samaradorligini yanada takomillashtirish toʻgʻrisida”gi 611-3-Q/22-sonli qarori tasdiqlangan.
Oʻzbekiston Respublikasi Prezidentining 2022 yil 11 maydagi PQ-240-son qaroriga muvofiq, viloyat hokimligi Korrupsiyaga qarshi ichki nazorat shoʻ'basi tomonidan 2025 yil yanvar oyida viloyat, shahar va tumanlar hokimliklarini barcha funksiya va vazifalarida korrupsiyaviy xavf-xatarlarni aniqlash boʻyicha baholash oʻtkazilib, hokimlikning birlashgan korrupsiyaviy xavf-xatarlar xaritasi, korrupsiya xavfiga eng koʻp moyil boʻlgan funksiya va lavozimlar roʻyhati tuzilib, aniqlangan korrupsiyaviy xavf-xatarlarni kamaytirish boʻyicha korrupsiyaga qarshi kurashish dasturi ishlab chiqildi va “E-antikor.uz” elektron platformasida joylashtirilishi ta'minlandi.
Aniqlangan korrupsiyaviy xavf-xatarlarni minimallashtirish maqsadida viloyat, shahar va tumanlar hokimliklarini barcha xodimlari mahalliy hokimlik organlarining ayrim mansabdor shaxslari tomonidan sodir etilgan jinoiy xatti-xarakatlar, mansab vakolatini suiiste'mol qilish bilan bogʻliq yoʻl qoʻyilayotgan salbiy holatlar toʻgʻrisidagi ma'lumotlar bilan tanishtirilib ogoxlantirildi xamda korrupsiyaga qarshi kurashish boʻyicha siyosati, manfaatlar toʻqnashuvini boshqarish boʻyicha nizom, xodimlarning odob-axloq namunaviy qoidalari, korrupsiya holatlari haqida xabar berish mexanizmi, xabar bergan xodimlarni ragʻbatlantirish, ularning ta'qibga olinmasligi kafolatlari mavjudligi toʻgʻrisidagi ichki idoraviy hujatlar bilan tanishtirib tilxatlar olindi.
IV. Amalga oshiriladigan korrupsiyaga qarshi kurashish
tartib taomillar
Viloyat hokimligi Korrupsiyaga qarshi ichki nazorat shoʻ'basining 2025 yilga moʻljallab tuzilgan korrupsiyaga qarshi talablar va tartib-taomillariga rioya etilishi ustidan nazorat rejasiga muvofiq, viloyat hokimligi, shahar-tumanlar hokimliklarida korrupsiyaga qarshi tartib-taomillarining samaradorligini monitoring va nazorat qilish tekshiruv shaklida oʻtkazilib, xodimlarning korrupsiyaga qarshi siyosati bilan tanishtirilganligi, korrupsiyaviy xatti-harakatlar toʻgʻrisida kelib tushgan xabarlarni qabul qilish boʻyicha aloqa kanallarining mavjudligi, ishga qabul qilishda nomzodlar tekshiruvini oʻtkazishning tamoyillari, talablari va tartibi, xarid qilish tartib-taomillari, shu jumladan toʻgʻridan-toʻgʻri shartnoma tuzishda ishtirokchilarning majburiy tekshirilishining oʻtkazilish ahvoli, manfaatlar toʻqnashuvini boshqarish masalalarida olib borilayotgan ishlar ahvoli oʻrganib chiqilib kamchiliklarni bartaraf etish boʻyicha tushintirishlar berilib ijrosi nazoratga olindi.
Viloyat hokimining mahalliy hokimliklar va davlat organlari xodimlariga korrupsiyaga qarshi murosasiz kurash olib borish toʻgʻrisidagi murojaati viloyat hokimligi veb-saytiga joylashtirilib, 2025 yil 5 mart kuni “Jizzax haqiqati” gazetasida chop etilishi ta'minlandi.
2025 yil oyi davomida korrupsiya va boshqa suiiste'molchiliklarga oid qonunbuzilishi holatlarini oldini olish boʻyicha 34 ta ommaviy axborot vositalari orqali huquqiy targʻibot ishlari oʻtkazildi, shundan 1 marta televidenieda (2024 yilda 1 ta), 1 marta viloyat gazetasida, 34 marta viloyat hokimligi veb-sayt va boshqa elektron vositalarida ( 2024 yilda 5 ta), 27 marotaba ogʻzaki huquqiy targʻibot ishlari ( 2024 yilda 4 ta) olib borildi, shundan 15 ta seminarlar oʻtkazilib, ijtimoiy tarmoqlarda 15 marotaba yozma huquqiy targʻibot chiqishlar orqali profilaktik chora-tadbirlar oʻtkazildi.
2025 yil 18-aprel kuni viloyat hokimligi Axborot xizmati media markazida “Davlat organlari va tashkilotlarining faoliyati ochiqligini ta'minlash, shuningdek, jamoatchilik nazoratini samarali amalga oshirishga doir qoʻshimcha chora-tadbirlar toʻgʻrisida”gi farmoni mavzusida matbuot anjumani, 2025 yil 17-iyun kuni Oʻzbekiston Respublikasi Prezidentining 2025 yil 21-apreldagi PF-71-sonli Farmoni va PQ-147-sonli Qarori bilan belgilab berilgan “Davlat organlari va tashkilotlarining korrupsiyaga qarshi ichki nazorat boʻlinmalari ishini yangicha tizim asosida tashkil etish yuzasidan belgilangan asosiy vazifalar” yuzasidan brifing oʻtkazildi.
Viloyat hokimligi, Jizzax shahar, Gʻallaorol, Paxtakor, Zafarobod, Doʻstlik, Arnasoy, Mirzachoʻl, Zarbdor, Forish, Sharof Rashidov, Zomin,Yangiobod, Forish va Baxmal tuman hokimliklarida jami 344 nafar boshqaruv xodimlari umumiy, korrupsiya xavf-xatarlari yuqori boʻlgan lavozimlarda ishlovchi xodimlarga nisbatan maxsus korrupsiyaga qarshi kurashish sohasida oʻqitilishi hamda yangi ishga qabul qilingan xodimlarni korrupsiyaga qarshi kurash boʻyicha bilim va koʻnikmalari oshirilishi ta'minlanib, xodimlar korrupsiyaga qakshi kurashish siyosati, manfaatlar toʻqnashuvini boshqarish boʻyicha nizomi, xodimlarning odob-axloq qoidalari bilan tanishtirilib, tilxatlar olindi.
Ishga nomzodlarni tekshirish
Hokimlik tizimi xodimlarida halollik siyosatini ta'minlash va umuman jamiyatda korrupsiyaga qarshi kurashish madaniyatini oshirish, yuksak xulq-atvor standartlariga muvofiqlik, shuningdek lavozim majburiyatlarini bajarish chogʻida xodimlar tomonidan korrupsiyaviy harakatlar sodir etilishiga yoʻl qoʻymaslik maksadida, Oʻzbekiston Respublikasi Prezidentining 2021 yil 6 iyuldagi “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlar toʻgʻrisida” gi PF-5177-sonli qaroriga muvofiq 2021 yil 1 sentyabrdan boshlab ishga qabul qilishni ochiq tanlov asosida amalga oshirish hamda tanlov doirasida oʻtkaziladigan sinov tadbirlarini Internet tarmogʻi orqali real rejimida kuzatishni nazarda tutuvchi tartib joriy etilib, ijrosi nazorat qilib borilmoqda.
2025 yilning oyi davomida viloyat hokimligida 12 ta vakant ish joylariga xodimlari ishga qabul qilinib, ishga qabul qilish jarayonlari Oʻzbekiston Respublikasi Prezidentining 2021 yil 6-iyuldagi PF-5177-sonli qaroriga muvofiq ochiq tanlov asosida amalga oshirilib, tanlovda gʻolib deb topilgan nomzodlar mehnat shartnomasi tuzilmasdan oldin manfaatlar toʻqnashuvini boshqarish boʻyicha nizom va ishga qabul qilinayotgan nomzodlarni tekshirish boʻyicha yoʻriqnoma talablariga rioya qilgan holda tekshiruvlar oʻtkazilishi ta'minlandi.
Manfaatlar toʻqnashuvini tartibga solish
Viloyat, shahar va tumanlar hokimliklari hamda viloyat hokimligiga boʻysunuvchi muassasalarning korrupsiyaga qarshi kurashish tizimi samaradorligini yanada takomillashtirish maqsadida, Oʻzbekiston Respublikasi Prezidentining 2022 yil 12 yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida”gi PQ-81-sonli qarori talablari ijrosini ta'minlash, hamda Oʻzbekiston Respublikasi Korrupsiyaga qarshi kurashish agentligining 2021 yil 10 sentyabrdagi 03-07/6280-sonli xatiga va 18 oktyabrdagi 01-07/6859-sonli tavsiyalariga muvofiq viloyat hokimining 2022 yil 16 iyundagi “Viloyatda korrupsiyaga qarshi kurashish tizimi samaradorligini yanada takomillashtirish toʻgʻrisida”gi 306-3-0-Q/22-sonli qarori bilan “Manfaatlar toʻqnashuvini boshqarish boʻyicha nizom” tasdiqlanib manfaatlar toʻqnashuvi tartibga solingan
Oʻzbekiston Respublikasi Prezidentining 2024 yil 5 iyundagi “Oʻzbekiston Respublikasining “Manfaatlar toʻqnashuvi toʻgʻrisida”gi Qonuni ijrosini ta'minlash maqsadida viloyat hokimining 2024 yil 14 iyundagi “Oʻzbekiston Respublikasi Prezidentining 2024 yil 5 iyundagi PQ-210-sonli qarori ijrosi haqida”gi 379-3-0-Q/24-sonli qarori tasdiqlangan.
Manfaatlar toʻqnashuvi va korrupsiya holatlari boʻyicha xabar berish mumkin boʻlgan aloqa kanallari Facebook ijtimoiy tarmogʻidagi aloqa kanali (https://www .facebook .com/jizzaxviloyathokimligi), Telegram massenjeridagi aloqa kanali (@Viloyat_hokimiga_murojaat), ishonch telefoni(+998722220695), Rasmiy veb-saytdagi aloqa kanali (https://jizzax. uz/korrupsiya/), Elektron pochta manzili (Jiz/korrupsiya@ exat/uz) aloqa kanallari yoʻlga qoʻyilib, viloyat hokimligi rasmiy veb-saytiga joylashtirilib, kelib tushgan murojaatlarni korrupsiyaga qarshi ichki nazorat tuzilmasi xodimi tomonidan qabul qilinishi, dastlabki tekshiruvdan oʻtkazilishi, manfaatlar toʻqnashuvi haqidagi xabarlarni qabul qilish reestrini yuritilishi va murojaatlarni roʻyxatga olish, xabar beruvchining anonimligini ta'minlash tartibi joriy etildi.
Oʻzbekiston Respublikasi Prezidentining 2024 yil 5 iyundagi “Oʻzbekiston Respublikasining “Manfaatlar toʻqnashuvi toʻgʻrisida”gi Qonuniga muvofiq viloyat hokimligi , shahar va tumanlar hokimliklari xodimlari tomonidan manfaatlar toʻqnashuvi boʻyicha taqdim qilingan yillik deklarasiya va ishga qabul qilishda taqdim qilingan deklarasiya arizalari tahlil qilinib , manfaatlar toʻqnashuvi holatlari aniqlanmadi.
Korrupsiyaga qarshi qoidalarni shartnomalarga kiritish
Oʻzbekiston Respublikasi Prezidentining 2021 yil 14 sentyabrdagi “Shartnomaviy munosabatlarni tubdan takomillishtirish chora-tadbirlari toʻgʻrisida” gi PF-6313-son farmoni ijrosini ta'minlash maqsadida viloyat hokimining 2022 yil 5-avgustdagi 254-3-0-F/22-son farmoyishi qabul qilinib, unga muvofiq viloyat, shahar-tuman hokimliklarida boʻsh ish oʻrinlariga xodimlarni ishga olishda tuziladigan mehnat shartnomalarida va xoʻjalik yurituvchi sub'ektlar tomonidan davlat xaridlari bilan bogʻliq tuziladigan shartnomalarda qonun hujjatlarida belgilangan tartibda tavsiyaviy xarakterdagi korrupsiyaga qarshi kurashish shartlaridan foydalanish toʻgʻrisida yozma koʻrsatmalar yuborilib, amaliyotga tadbiq etilgan.
2025 yil 9-oyi davomida viloyat, shahar va tumanlar hokimliklariga ishga qabul qilindan barcha xodimlar bilan mehnat shartnomalariga korrupsiyaga qarshi kurashish shartlari kiritilishi ta'minlanib, xodimlarga korrupsiyaga qarshi kurashish shartlari shartnomasida tanishtirilishi nazoratga olinib, tanishganligini imzosi bilan tasdiqlagan xodimlar roʻyhati shakllantirildi.
Kontragentlarni tekshirish
Kontragentlarni tekshirishga oid yoʻriqnomaga muvofiq, hokimlik xodimlarining manfaatlar toʻqnashuvi va shaxsiy manfaatdorligi bilan bogʻliq boʻlgan korrupsiyaviy xavf-xatarlarni kamaytirish, kontragent bilan shartnoma tuzish toʻgʻrisidagi qarorni tegishli darajada korrupsiyaviy xavf-xatarlarni minimallashtirilgan holda qabul qilish imkonini beradigan toʻgʻridan-toʻgʻri shartnoma tuzishda ishtirokchilarni majburiy tekshirish mexanizmi amaliyotga tatbiq etilgan.
2025 yil 9 oyi davomida viloyat hokimligida tuzilgan 83 ta xoʻjalik shartnomalari, hamda shahar va tumanlar hokimliklari tomonidan tuzilgan xoʻjalik shartnomalari boʻyicha shartnomoviy munosabatga kirishishdan oldin barcha taqdim etilgan hujjatlar boʻyicha ijrochilar tomonidan tekshiruvlar oʻtkazilishi nazoratga olinib, hokimliklar bosh xisobchilari tomonidan hisobot davrida tuzilgan xoʻjalik shartnomalari toʻgʻrisidagi ma'lumot, kontragentlarni tekshirish reestrlari va kontragentlarni tekshirilganligi toʻgʻrisidagi xulosalar rasmiylashtirilishi ta'minlandi.
V. Ta'lim va kommunikasiya
Oʻzbekiston Respublikasi Prezidentining 2024 yil 21 iyundagi “Aholi va davlat xizmatchilarining korrupsiyaga qarshi kurashish sohasidagi bilimlarini uzluksiz oshirish tizimini joriy qilish chora-tadbirlari toʻgʻrisida”gi PQ-228-sonli qarori ijrosi yuzasidan viloyat hokimligi va uning huzuridagi boshqarma va tashkilotlar hamda shahar va tuman hokimliklari xodimlarini Virtual akademiya bazaviy oʻquv kursida korrupsiyaga qarshi kurashish sohasida malakasini oshiradigan xodimlar toʻgʻrisidagi ma'lumot 2025 yil 6 yanvar kuni Oʻzbekiston Respublikasi Korrupsiyaga qarshi kurashish agentligiga yuborilishi ta'minlandi.
Viloyat hokimligi Korrupsiyaga qarshi ichki nazorat tuzilmasining korrupsiyaga qarshi kurashish boʻyicha xodimlarning va aholining huquqiy ongi va huquqiy madaniyatini yuksaltirish, unga nisbatan murosasiz munosabatni shakllantirishga oid targʻibot tadbirlari doirasidagi faoliyatini 2025 yilda tizimli ravishda amalga oshirilishini ta'minlash boʻyicha chora-tadbirlar ishlab chiqildi.
2025 yil 9-oyi davomida viloyat hokimi tomonidan taqdiqlangan hokimlik xodimlarini etika va korrupsiyaga qarshi umumiy va maxsus(qoʻshimcha) oʻqitish hamda ishga qabul qilingan xodimlarni korrupsiyaga qarshi kurashish boʻyicha bilim va koʻnikmalarini oshirish boʻyicha reja va jadvaliga muvofiq viloyat, Jizzax shahar, Mirzachoʻl, Doʻstlik, Arnasoy, Zafarobod, Paxtakor, Sharof Rashidov, Zarbdor, Forish va Gʻallaorol, Zomin va Yangiobod tuman hokimliklarida oʻquv seminar mashgʻulotlari oʻtkazilib, xodimlarga Oʻzbekiston Respublikasining “Korrupsiyaga qarshi kurashish toʻgʻrisida”gi, “Davlat xaridlari toʻgʻrisida”gi va “Raqobat toʻgʻrisida”gi qonunlari, korrupsiyaga qarshi kurashish siyosati, manfaatlar toʻqnashuvini oldini olish, aniqlash va tartibga solish, korrupsiyaviy hatti-xarakatlar uchun jinoiy, intizomiy va ma'muriylar javobgarlik, xodimlarning xizmatdagi xulq-atvorining asosiy tamoyillari va qoidalari, odob-axloq qoidalarini buzganlik uchun javobgarlik mavzularida tushintirish va tavsiyalar berildi.
VI.Korrupsiyaviy xatti–xarakatlar va xuquqbuzarliklar toʻgʻrisidagi xabarlar
Hokimliklar tizimi xodimlari tomonidan oʻxshash huquqbuzarliklar sodir etilishi ehtimolini baholash maqsadida davlat hokimiyatining boshqa organlarida korrupsiyaviy huquqbuzarliklar sodir etilishining holati va yoʻnalishlari haqida ma'lumotlar toʻplanib oʻquv mashgʻulotlarida viloyat, shahar va tumanlar hokimliklari xodimlari e'tiborlariga etkazilib, korrupsiyaga qarshi kurashish masalalari boʻyicha tushintirish va tavsiyalar berildi.
Viloyat hokimligi tizimida korrupsiyaga qarshi kurashish, manfaatlar toʻqnashuvini aniqlash va tegishli ta'sir choralarini koʻrishga qaratilgan chora-tadbirlarning samaradorligini oshirish maqsadida aloqa kanallari orqali korrupsiyaviy xatti-harakatlar haqida kelib tushgan xabarlar bilan ishlashning asosiy tamoyillari, shuningdek roʻyhatdan oʻtkazish va koʻrib chiqish, tashkilot rahbariga hisobot taqdim etish tartibi, viloyat hokimi qarori bilan tasdiqlangan aloqa kanallari orqali korrupsiyaviy xatti-harakatlar toʻgʻrisida kelib tushgan xabarlarni qabul qilish va koʻrib chiqish reglamentiga muvofiq joriy etildi.
2025 yil 9 oyi davomida viloyat hokimligi, shahar va tumanlar hokimliklari xodimlariga nisbatan aloqa kanallari orqali korrupsiyaviy xatti-xarakatlar toʻgʻrisida murojaatlar kelib tushmadi.
Hokimlik tizimida xodimlar tomonidan korrupsion va boshqa jinoyatlarni sodir etilishini oldini olish maqsadida, viloyat DXX mas'ul xodimi bilan hamkorlikda yigʻilish oʻtkazilib, xodimlarga “Korrupsiyaga qarshi kurashish toʻgʻrisida”gi va “Vijdon erkinligi va diniy tashkilotlar toʻgʻrisida”gi qonunlari hamda etika va odob-axloq qoidalariga rioya qilish toʻgʻrisida tushintirish va topshiriqlar berildi.
VII. Monitoring va nazorat
Oʻzbekiston Respublikasi Prezidentining 2021 yil 6 iyuldagi PF-6257-son Farmoniga 1-Ilova muvofiq tasdiqlangan Korrupsiyaga qarshi kurashish boʻyicha 2021-2022 yillarga moʻljallangan davlat dasturining 26-bandi bilan viloyat hokimligiga yuklatilgan davlat organlari va tashkilotlarida korrupsiyaga qarshi ichki nazorat tuzilmalari samarali faoliyati tashkil etish toʻgʻrisidagi chora tadbiri ijrosi viloyat hokimining 2021 yil 27-sentyabr kungi 152-3-0-Q/21 -son qarori bilan viloyat hokimligi korrupsiyaga qarshi ichki nazorat shoʻ'basini tashkil etilib ijrosi ta'minlandi va davlat dasturlarida tashkilotga yuklatilgan vazifa ijrosi monitoring qilinib, Oʻzbekiston Respublikasi Korrupsiyaga qarshi kurashish agentligiga korrupsiyaga qarshi kurashish boʻyicha davlat dasturida rejalashtirilgan tadbirlarni amalga oshirilganligi toʻgʻrisidagi hisobot taqdim etildi.
VIII. Aniqlangan qoidabuzarliklar va ularga ta'sir choralari
2025 yilning 9 oyi davomida 3 holat yuzasidan davlat xaridlari hujjatlarini qonuniyligi yuzasidan xizmat tekshiruvi oʻtkazildi.
Zomin tumani hokimining oʻrinbosari X.Yaxshiboev va Zarbdor tumani hokimining oʻrinbosari X. Mullajanovlar lavozimga tayinlangandan keyin ish faoliyatlari davomida Oʻzbekiston Respublikasi Vazirlar Magʻkamasining 1992 yil 6 martdagi “Tadbirkorlik faoliyati bilan shugʻullanish taqiqlangan mansabdor shaxslarning roʻyhati toʻgʻrisida”gi 103-sonli Qarorga asosan davlat hokimiyati va boshqaruv organlarining xodimlariga tadbirkorlik faoliyati bilan shugʻullanishi, Oʻzbekiston Respublikasi Vazirlar Mahkamasining 2022 yil 14 oktyabrdagi “Davlat fuqarolik xizmati toʻgʻrisida”gi Qonunining 13-moddasiga asosan davlat fuqarolik xizmatchisi tadbirkorlik sub'ektldarini tashkil etishga, ularning muassisi boʻlishga , tadbirkorlik faoliyati sub'ektida tashkiliy-boshqaruv, ma'muriy xoʻjalik vazifalarini bajarishga haqdi emasligi belgilangan boʻlsada, fermer va tadbirkorligi mavjudligi toʻgʻrisida tuman hokimiga bildirgi yoki deklarasiya orqali ma'lum qilmagan hamda ogoxlantirishlarga qaramasdan tugatish yoki ta'sischilikdan chiqish chorasini koʻrmasdan, Oʻzbekiston Respublikasining 2024 yil 5 iyundagi “Manfaatlar toʻqnashuvi toʻgʻrisida”gi Qonuni va Oʻzbekiston Respublikasining 2022 yil 14 oktyabrdagi “Davlat fuqarolik xizmati toʻgʻrisida”gi Qonun talablarini qoʻpol ravishda buzilishiga yoʻl qoʻyganligi aniqlandi.
Xizmat tekshiruvi hujjatlari tuman hokimliklariga odob-axloq komissiyasida koʻrib chiqishlik uchun yuborildi.
IX. Xulosalar
Viloyat hokimligi Korrupsiyaga qarshi ichki nazorat tuzilmasining korrupsiyaga qarshi kurashish boʻyicha 2025 yil davomida viloyat, shahar-tuman hokimliklari xodimlarning hamda aholining huquqiy ongi va huquqiy madaniyatini yuksaltirish, unga nisbatan murosasiz munosabatni shakllantirishga oid targʻibot tadbirlari doirasidagi faoliyatini tizimli ravishda amalga oshirilishini ta'minlash boʻyicha chora-tadbirlar ishlab chiqildi.
Viloyat hokimligida korrupsiyaga oid huquqbuzarliklarni oldini olish va unga qarshi kurashish ishlari Oʻzbekiston Respublikasi qonunlari, Oʻzbekiston Respublikasi Prezidentining farmon va qarorlariga talablariga rioya qilgan holda korrupsiyaga qarshi kurashish tizimi joriy etilib, asosiy e'tibor xodimlarni huquqiy ongi va madaniyatini yuksaltirish hamda ularga korrupsiyaga nisbatan murosasiz munosabatni shakllantirishga qaratilganligi sababli salbiy holatlarga yoʻl qoʻyilmadi.
X. Korrupsiyaga qarshi kurash tizimini yanada rivojlantirish boʻyicha takliflar va tadbir rejalar
Viloyat hokimligida korrupsiyaga qarshi kurash tizimini yanada rivojlantirish uchun kadrlar bilan ishlash va davlat xaridlari yoʻnalishida byurokratik toʻsiqlarga chek qoʻyish hamda korrupsiyaviy xavf-xatarlar va inson omilini qisqartirishga qaratilgan avtomatlashtirilgan tizim joriy etish.
Viloyat hokimligi Korrupsiyaga qarshi
ichki nazorat shoʻ'basi rahbari S.Melibaev