Jizzах vilоyati hоkimligi

Ochilish marosimida Jizzax shahri hokimi Komil Xolmurodov, “Nurli To‘lqin” Holding kuzatuv kengashi raisi Sardor Qurbonov, keng jamoatchilik vakillari, nuroniylar hamda ommaviy axborot vositalari vakillari va ijtimoiy tarmoq faollari ishtirok etishdi. 

“Nurli To‘lqin” Holding — O‘zbekistonda faoliyat yuritib kelayotgan yirik korporativ guruhlardan biri bo‘lib, qurilish, ishlab chiqarish, xizmat ko‘rsatish, savdo hamda ijtimoiy loyihalar sohalarida faol investitsion faoliyatni amalga oshirib kelmoqda. Xolding tarkibidagi korxonalar mahalliy bozorlar uchun turli xil mahsulot va xizmatlar taklif etmoqda. 
Logistika yuk tashuvchi va yo‘l qurilishi maxsus texnikalari uchun mo‘ljallangan yangi avtoturargoh keng hududga ega bo‘lib, 400 dan ortiq texnika vositasini qabul qilish imkoniyatiga ega. U yerda har bir texnika uchun alohida texnik xizmat ko‘rsatish nuqtalari tashkil etilgan, zamonaviy avtoustaxona, yoqilg‘i saqlash majmuasi va ehtiyot qismlar ombori bilan jihozlangan. Shuningdek, yong‘inga qarshi tizimlar va xavfsizlik talablariga to‘liq mos muhit yaratilgan. 
Ushbu avtoturargoh “Nurli To‘lqin” Holdingning texnik parklarini samarali boshqarish, texnik xizmat ko‘rsatish va ta’mirlash ishlarini yuqori sifatda amalga oshirish, shu bilan birga maxsus texnikalarning uzoq muddat ishlashini ta’minlashda muhim ahamiyat kasb etadi. 
Shuningdek, avtoturargohda texnika haydovchilari va muhandis-texnik xodimlar uchun qulay mehnat va dam olish sharoitlari yaratilgan. 
Tadbir davomida “Nurli To‘lqin” Holding kuzatuv kengashi raisi Sardor Qurbonov bunday zamonaviy inshootning foydalanishga topshirilishi nafaqat xolding, balki Jizzax viloyatidagi ko‘plab yo‘l-qurilish loyihalari uchun xizmat ko‘rsatishda muhim o‘rin tutishini ta’kidladi.