Jizzaxda “Yashil makon” loyihasi doirasida seminar tashkil etildi
2025-03-14 09:35:00 / Yangiliklar
Jizzax shahridagi 31-maktab va 6-son oilaviy poliklinikada ekologik barqarorlik va atrof-muhit muhofazasiga bag‘ishlangan muhim seminar bo‘lib o‘tdi. Tadbirda Maktabgacha ta’lim muassasalari, Xalq ta’limi bo‘limi hamda tibbiyot sohasi xodimlari ishtirok etishdi.
Seminar doirasida Jizzax shahar hokimi K. Xolmurodov so‘zga chiqib, “Yashil makon” loyihasining ahamiyati hamda atrof-muhitni muhofaza qilishning dolzarb masalalari haqida fikr bildirdi. U har bir inson o‘z hovlisi, xonadoni va ish joyidan boshlab tabiatga mehr bilan yondashishi kerakligini ta’kidladi.
Seminarda nimalar muhokama qilindi?
Ekologik barqarorlikni ta’minlash va yashil hududlarni kengaytirish;
Atrof-muhitni muhofaza qilish bo‘yicha zamonaviy yondashuvlar;
Yashillikni asrash va daraxt ekishning ahamiyati;
Kelajak avlodga toza va sog‘lom muhit qoldirish.
"Yashil makon" – bu kelajak uchun sarmoya! Har birimiz tabiatga mehr berib, uni asrashni o‘zimizdan boshlaylik. Bir tup daraxt ekish – kelajakka qo‘yilgan mustahkam poydevor!