Jizzax viloyatidagi yagona Yapon tili markazi Mirzacho‘l tumanida faoliyat yuritmoqda
2025-03-01 10:00:00 / Yangiliklar
Hozirda markazda yapon, koreys, ingliz va nemis tillari o‘qitilmoqda. O‘quvchilar xalqaro imtihonlarga tayyorlanib, yaxshi natijalarga erishmoqda. Bugungi kungacha 50 dan ortiq o‘quvchi TOPIK (koreys tili) va IELTS (ingliz tili) sertifikatlarini qo‘lga kiritdi.
Yapon tili yo‘nalishida ham alohida ishlar olib borilmoqda. Yil oxiriga qadar 100 ga yaqin o‘quvchi Yaponiyaga yuborilishi rejalashtirilgan. Hozirgacha 3 nafar o‘quvchi Yaponiyada ishlash uchun imtihondan muvaffaqiyatli o‘tgan. Yana 10 ga yaqin o‘quvchi may oyida imtihonga tayyorgarlik ko‘rmoqda.
Shuningdek, koreys tili yo‘nalishida ham yutuqlar bor. Markaz o‘quvchilaridan biri Koreya Respublikasidagi oliy ta’lim muassasasidan 60% grant yutib olgan va mart oyida o‘qishga ketmoqda.
Markaz yoshlar uchun katta imkoniyat eshigini ochib, ularning ta’lim va kasbiy rivojlanishiga katta hissa qo‘shmoqda.