Mirzacho‘l tumanida infratuzilmani rivojlantirish va issiqxona loyihasi amaliyotga tatbiq etilmoqda
2025-02-28 09:20:00 / Yangiliklar
2025-yilda mahalla hududida oqova suv ariqlarini rekonstruksiya qilish, ta’mirlash hamda yangi tarmoqlarni tortish maqsadida 3,3 milliard so‘mlik loyiha dasturga kiritildi va ushbu mablag‘ ajratildi.
Ushbu loyiha natijasida
"Ipak yo‘li" mahallasida aholining tomorqa yer maydonlari to‘liq oqova suv bilan ta’minlanadi.
Tomorqalardan foydalanish samaradorligi yaxshilanadi.
Honadon a’zolari tomorqalarda band bo‘lib, oila budjetiga qo‘shimcha daromad olish imkoniyati yaratiladi.
"Ipak yo‘li" mahallasi obodonligi uchun
2024-yil 25-iyundagi PQ-234-sonli Prezident qarori asosida "Ipak yo‘li" mahalla servis kompaniyasi tashkil etildi.
Ushbu korxonaga 72 million so‘mlik mototexnika va anjomlar ajratildi.
Hozirda "Ipak yo‘li" MSK:
12 nafar xodim bilan ish boshlagan bo‘lsa, hozirda 20 nafardan ortiq fuqaro ish bilan ta’minlandi.
"Bir kontur – bir mahsulot" loyihasi: limonchilik va issiqxonalar 1 gektar yer maydonida "Bir kontur – bir mahsulot" loyihasi doirasida limon yetishtirishga ixtisoslashtirilgan 25 ta issiqxona qurish ishlari boshlandi.
Qo‘shimcha ravishda aholi xonadonlarida 25 ta issiqxona qurilishi rejalashtirilgan.
Hozirgacha 15 ta issiqxona barpo etilgan, 6 tasi to‘liq qurib bitkazildi.
Respublika Mahallalar uyushmasi tomonidan 200 ta limon ko‘chatlari homiylik asosida yetkazib berildi.
Har bir 4 sotixli issiqxona uchun 30 million so‘m sarflanmoqda.
Bu xarajatlar yerni 1,5 metr chuqurlikda qazib tayyorlash, qoplama konstruksiyasi,
Quruvchilar uchun 4 million so‘m ish haqi, 1100 tup pomidor ko‘chatlari,
Temir truba va profillar xarajatlarini o‘z ichiga oladi.
May-iyun oylarida har bir issiqxonadan 3 tonna pomidor hosili olish rejalashtirilgan.
Birinchi hosilning o‘rtacha daromadi 27 million so‘m bo‘lishi kutilmoqda.
Kuzgi takroriy hosildan 16 million so‘m, qishki ko‘katlardan yana 16 million so‘m daromad olish rejalashtirilgan.
Jami bir yilda 59 million so‘mlik daromad kutilmoqda.
"Ipak yo‘li" mahallasi issiqxona xo‘jaligiga ixtisoslashtirilmoqda. Ushbu loyiha:
Aholi bandligini ta’minlash,
Oilaviy tadbirkorlikni rivojlantirish,
Barqaror daromad manbai yaratishga xizmat qiladi.
Bu kabi tashabbuslar nafaqat mahalliy aholi turmush darajasini oshirishga, balki Mirzacho‘l tumani iqtisodiyotining rivojlanishiga ham ulkan hissa qo‘shadi.