Yangiobod tumanida aholi uchun bepul tibbiy ko'rik tashkil etildi
2024-12-24 08:20:00 / Yangiliklar
Tuman tibbiyot birlashmasida tashkil etilgan tibbiy ko'rikda malakali shifokorlar tomonidan 200 nafardan ortiq aholi bepul tibbiy ko'rikdan o'tkazilib, sog'ligida muammolar bor fuqarolarni maxsus davolash muassasalarida davolanishlari uchun yo'llanmalar berildi.
Tibbiy ko'rikka kelgan aholi xirurg, kardiolog, infeksionist, urolog, akusher-ginekolog, LOR, teri-tanosil, terapevt, endokrinolog kabi 10 dan ortiq mutaxassislardan maslahatlar ham oldilar.
Aholini tibbiy ko'rikdan o'tkazish bilan birga, ularga hozirgi vaqtda keng tarqalgan diabet va yurak-qon tomir kasalliklarining oldini olish, profilaktika qilish va davolash usullari, sog'lom turmush tarzi va faol jismoniy harakatning inson salomatligiga hissasi to'g'risida ham tushuntirildi.