Videoreportaj: G‘allaorol tumani ta’lim muassasalarida kuz-qish mavsumida isitish barqaror ishlamoqda
2026-01-16 13:00:00 / Yangiliklar
G‘allaorol tumani maktabgacha va maktab ta’limi bo‘limi tizimida jami 91 ta umumiy o‘rta ta’lim maktabi, 16 ta davlat maktabgacha ta’lim tashkiloti faoliyat yuritmoqda.
Ushbu muassasalarning 88 ta maktabi, 14 ta davlat maktabgacha ta’lim tashkiloti v kuz-qish mavsumida ko‘mir yoqilg‘isi orqali isitiladi.
Xususan, tumandagi 25-son davlat maktabgacha ta’lim tashkilotida 2025–2026 yillar kuz-qish mavsumini betalafot o‘tkazish maqsadida 4 ta issiqlik qozoni mavjud bo‘lib, ularning barchasi meyor darajasida ishlab turibdi. Mazkur muassasaga mavsum uchun 50 tonna ko‘mir zaxirasi yetkazib berilgan.
Shuningdek, 78-son umumiy o‘rta ta’lim maktabida 8 ta issiqlik qozoni faol ishlamoqda hamda 100 tonna ko‘mir zaxirasi mavjud. 88-son umumiy o‘rta ta’lim maktabida esa 4 ta issiqlik qozoni ishlab turib, mavsum uchun 62 tonna ko‘mir yetkazib berilgan.
📹 Batafsil videolavhada.