Videoreportaj: Oliy ta’limdagi to‘lov-kontrakti davlat tomonidan qoplanadi
2026-01-12 13:00:00 / Yangiliklar
O‘zbekiston Respublikasi Prezidentining “Chiqindilarni boshqarish tizimini takomillashtirish va ularning ekologik vaziyatga salbiy ta’sirini kamaytirish”ga qaratilgan farmonida sohada mehnat qilayotgan xodimlarni ijtimoiy qo‘llab-quvvatlash masalalariga alohida e’tibor qaratildi. Hujjatda hududlarda sanitar tozalash xizmatlari sifatini oshirish bilan birga, ushbu sohada fidoyilik bilan faoliyat yuritayotgan ishchi-xodimlarni rag‘batlantirish mexanizmlari belgilab berildi.
Farmonga muvofiq, har yili kamida 10 yil davomida obodonlashtirish va sanitar tozalash sohasida sadoqat bilan xizmat qilgan xodimlarning oliy ta’lim muassasalarida tahsil olayotgan farzandlari uchun to‘lov-kontrakt mablag‘lari davlat tomonidan qoplab beriladi.
Mazkur imtiyoz ushbu kasb egalari mehnatini munosib e’tirof etish, ularning ijtimoiy himoyasini kuchaytirish hamda yosh avlodning ta’lim olishiga keng imkoniyatlar yaratishga xizmat qiladi.
📹 Batafsil videolavhada.