Videoreportaj: Jizzax turizmi yangi bosqich va yangi imkoniyatlar sari
2026-01-08 14:00:00 / Yangiliklar
Ayniqsa, qishki mavsumda tog‘, tog‘oldi hududlari hamda ko‘llar atrofidagi turizm yo‘nalishlariga alohida e’tibor qaratildi. Zamonaviy mehmonxonalar, yaxshilangan yo‘l infratuzilmasi va servis xizmatlari sifati viloyatning sayyohlik jozibasini yanada oshirmoqda.
2025-yil Jizzax turizmi uchun muhim burilish davri bo‘ldi. Yilning yirik turistik zonasi sifatida Aydar–Arnasoy ko‘llar tizimida joylashgan ko‘l bo‘yidagi zamonaviy turizm maskani faoliyat boshladi. Ushbu markaz 594 o‘rinli majmuani o‘z ichiga olgan bo‘lib, unda 200 o‘rinli sanatoriya, 294 o‘rinli hostel hamda 40 ta kapsula turidagi joylar mavjud. Shuningdek, plyaj hududida soyabonlar, tapchanlar, qayiq va kafe xizmatlari yo‘lga qo‘yilib, dam oluvchilar uchun barcha qulayliklar yaratildi.
Xulosa sifatida aytganda, Jizzax viloyatida turizmni rivojlantirishga qaratilgan bu kabi loyihalar nafaqat ichki turizmni jonlantiradi, balki hududning investitsion va xalqaro sayyohlik salohiyatini ham oshiradi. Kelgusida ekologik va sog‘lomlashtirish turizmini ilmiy yondashuv asosida kengaytirish, Jizzaxni Markaziy Osiyodagi muhim dam olish maskanlaridan biriga aylantirishi mumkin.
📹 Batafsil videolavhada.