Jizzах vilоyati hоkimligi

Jizzax viloyati hokimligi Anjumanlar saroyida tashkil etilgan ushbu tadbir mamlakatimiz hayotida Konstitutsiyaning o‘rni va ahamiyatini yana bir bor e’tirof etish, aholining huquqiy ongi va madaniyatini oshirishga qaratildi. 
Tadbirda viloyat hokimi Ulug‘bek Mustafoyev, davlat va jamoat tashkilotlari rahbarlari, faxriylar, ziyolilar, mehnat faollari, yoshlar va ommaviy axborot vositalari vakillari ishtirok etishdi. 
 
Tadbirni ochib bergan viloyat hokimi Ulug‘bek Mustafoyev O‘zbekiston Respublikasi Konstitutsiyasi mamlakatimiz mustaqilligining huquqiy poydevori ekanini, u fuqarolarning huquq va erkinliklarini kafolatlash, jamiyatda qonun ustuvorligini ta’minlash, davlat va xalq o‘rtasida mustahkam huquqiy munosabatlarni shakllantirishda beqiyos ahamiyat kasb etishini ta’kidladi. 
 
Shuningdek, Konstitutsiyada belgilangan meyor va prinsiplar Yangi O‘zbekiston taraqqiyoti, demokratik islohotlarni izchil davom ettirish, inson qadrini ulug‘lashga qaratilgan keng ko‘lamli chora-tadbirlar uchun mustahkam huquqiy asos bo‘lib xizmat qilayotgani alohida qayd etildi. Viloyat rahbari ushbu qutlug‘ sana munosabati bilan barcha yurtdoshlarni samimiy muborakbod etdi. 
 
Tadbirning madaniy qismi bayramona va ko‘tarinki ruhda o‘tdi. Mahalliy san’atkorlar, madaniyat va san’at muassasalari jamoalarining kuy-qo‘shiqlari, vatanparvarlik ruhidagi badiiy chiqishlari yig‘ilganlarga katta taassurot qoldirdi. Musiqiy chiqishlarda Vatanga muhabbat, yurtga sadoqat va daxldorlik tuyg‘ulari tarannum etildi.