Ushbu Farmonga muvofiq davlat organlari va tashkilotlari faoliyatiga oid ma‘lumotlarni O‘zbekiston Respublikasining Ochiq ma‘lumotlar portaliga va o‘z rasmiy veb-saytlariga joylashtirib borish belgilangan.

Agentlik tomonidan davlat organlari va tashkilotlari, shu jumladan mahalliy hokimiyat organlarining rasmiy veb-saytida joylashtirish, davriy yangilab borish va dolzarb ma‘lumotlarni taqdim etish muddatlariga rioya qilinishi masofaviy tartibda o‘rganib boriladi.

Davlat hokimiyati va boshqaruvi organlari faoliyatining ochiqligi to‘g‘risidagi qonunchilikni buzganligi uchun O‘zbekiston Respublikasining Ma‘muriy javobgarlik to‘g‘risidagi kodeksining  275⁷-moddasida javobgarlik belgilangan:

Ochiq ma‘lumotlar ro‘yxatiga kiritilgan ma‘lumotlarni e‘lon qilmaganlik yoki to‘liq e‘lon qilmaganlik, e‘lon qilish muddatlariga va tartibiga rioya etmaganlik yoki ma‘lumotlarni buzib ko‘rsatganligi,-

mansabdor shaxslarga bazaviy hisoblash miqdorining uch baravaridan besh baravarigacha miqdorida jarima solishga sabab bo‘ladi.

Xuddi shunday huquqbuzarliklar ma‘muriy jazo chorasi qo‘llanilgandan keyin bir yil davomida takror sodir etilgan bo‘lsa,-

mansabdor shaxslarga bazaviy hisoblash miqdorining besh baravaridan oʻn baravarigacha miqdorida jarima solishga sabab boʻladi.

Ushbu moddada nazarda tutilgan huquqbuzarliklar aniqlangan taqdirda, O‘zbekiston Respublikasi Korrupsiyaga qarshi kurashish agentligining mansabdor shaxslari ma‘muriy huquqbuzarlik to‘g‘risida bayonnoma tuzadi va ko‘rib chiqishlik uchun belgilangan tartibda sudga yuboriladi.

Viloyat hokimligi Korrupsiyaga

qarshi ichki nazorat shu‘basi