Namangan viloyati Ichki ishlar boshqarmasi binosida boshqarma rahbariyati tomonidan fuqarolar uchun navbatdagi shaxsiy qabul oʻtkazildi
2026-02-02 10:00:00 / Yangiliklar
Qabul jarayonida fuqarolarning jami 32 ta turli yoʻnalishdagi murojaatlari atroflicha koʻrib chiqildi. Murojaatchilardan belgilangan tartibda arizalar qabul qilinib, ularning masalalari yuzasidan tegishli huquqiy tushuntirish va maslahatlar berildi.
Qoʻshimcha oʻrganishni talab etadigan murojaatlar boʻyicha sohaviy xizmat rahbarlariga aniq koʻrsatma va topshiriqlar berilib, ularning ijrosi alohida nazoratga olindi.
Shuningdek, Oʻzbekiston Respublikasi Ichki ishlar Vaziri tomonidan Namangan viloyati fuqarolarining murojaatlari onlayn tarzda qabul qilindi.
Namangan viloyati IIB Axborot xizmati