IIV Akademiyasi magistraturasi tinglovchilari uchun amaliyot tashkil etilmoqda
2026-01-28 10:30:00 / Yangiliklar
Amaliyot doirasida “tashkiliy-strategik boshqaruv” va “tashkiliy-taktik boshqaruv” mutaxassisligi tinglovchilari poytaxtimizdagi Inha universitetida boʻldi. Mazkur universitet IT texnologiyalari mutaxassislarini tayyorlashga ixtisoslashgan yetakchi oliy taʼlim muassasasi boʻlib, bu yerda oʻquv jarayonlari xalqaro standartlar asosida olib boriladi. Universitet qoshida zamonaviy imkoniyatlarga ega Kiberxavfsizlik laboratoriyasi tashkil qilingan
Tashinuv davomida tinglovchilarga universitetning keng qamrovli faoliyati, xususan, kiberxavfsizlikni taʼminlash yoʻnalishida amalga oshirilayotgan ishlar haqida maʼlumot berildi. Malakali mutaxassislar tomonidan “Raqamli texnologiyalar dasturiy taʼminotining imkoniyatlari” va “Kiberxavfsizlikni taʼminlashning dasturiy vositalari” mavzularida mahorat darslari oʻtkazildi.
Shu kuni tinglovchilar Raqamli texnologiyalar vazirligida ham boʻlib, Oʻzbekistondagi birinchi dasturiy mahsulotlar va axborot texnologiyalari texnologik parki (IT park) faoliyati bilan ham tanishdilar. Soha vakillari bilan muloqot chogʻida ichki ishlar organlari tizimini raqamlashtirish, jamoat xavfsizligi taʼminlashda qoʻllanilayotgan zamonaviy axborot tizimlari, bu boradagi asosiy vazifalar yuzasidan fikr almashildi.
IIV akademiyasi Axborot xizmati