Davlat ekologik ekspertizasi markazi

Eshituvda Davlat ekologik ekspertiza markazi ekspertlari, Ekologiya, atrof-muhitni muhofaza qilish va iqlim o‘zgarishi vazirligi Toshkent viloyati boshqarmasi Yuqorichichiq tumani bo‘limi inspektorlari, Xavfsiz daryo boshqarmasi vakillari, “Toshtug‘izoq” mahallasi raisi va faollari ishtirok etishdi.

Jamoatchilik eshituvi, O‘zbekiston Respublikasi Vazirlar Mahkamasining “Atrof muhitga ta’sirni baholash mexanizimini yanada takomillashirish toʻgʻrisida”gi qarori bilan tasdiqlangan Nizom talablariga muvofiq tashkil etildi.

Tadbir davomida, Qorasuv daryosida o‘rganilayotgan uchastkasining asosiy ekologik muammolari, daryo o‘zanida uzoq yillar davomida qum-shag‘allar to‘planib qolishi natijasida suv o‘z yo‘nalishini o‘zgartirib, daryo qirg‘oqlari yuvib ketishi va daryo atrofida istiqomat qiladigan aholiga xavf solayotganligi uchun daryo o‘zanini tozalash choralarini ko‘rish lozimligi muhokama qilindi.

Daryoning muhokama qilinayotgan uchastkasi Toshqinga qarshi Hukumat komissiyasining “Tozalanishi lozim bo‘lgan uchastkalar ro‘yxati”ga kiritilganligi, loyiha tashkiloti tomonidan loyiha hujjatlari ishlab chiqilganligi, ushbu loyiha hujjatiga davlat ekologik ekspertiza xulosasini rasmiylashtirish uchun jamoatchilik fikri talab qilinayotganligini, daryo oְ‘zanini tozalash ishlari natijasida aholi xavfsizligi va hududdagi ekologik vaziyat yaxshilanishi haqida aholiga tushuntirishlar berildi.

Jamoatchilik eshituvi yakunida ishtirokchilar tomonidan daryo o‘zanini tozalash ishlari maqsadga muvofiqligi ma’qullab 12 kishi loyihani qo‘lllab-quvvatlashini bildirdi.

Shuningdek, joriy yilning 2 aprel kuni Parkent tumani hududidagi Boshqizilsoy soyi o‘zanlarida to‘planib qolgan qum shag‘al materiallarini qazib olish ishlarini amalga oshirish maqsadida “NOMDANAK SAXOVATI” hamda “CRUSH TECH” MChJlari loyihalari Davlat ekologik ekspertizasi markazi ekspertlari tomonidan joylarga chiqqan holda o‘rganildi.

Taqdim qilingan loyihalari bo‘yicha bahorgi va yozgi sel toshqinlarini talofatsiz o‘tkazib olish hamda atrof-muhitga suv bosishi bilan bog‘liq favqulotda holatlarni oldini olish maqsadida soy o‘zanini kengaytirish takliflari maqullandi ekspertiza xulosalari talablari to‘g‘risida tushunchalar berildi.