Talabgorlarga qo‘yiladigan talablar:
- Ekologiya va atrof-muhitni muhofaza qilish sohasiga oid oliy ma’lumot to‘g‘risidagi diplom. Bunda biologiya, geologiya, gidrologiya, muhandislik, yer geodeziyasi va kartografiyasi, shuningdek, suv, atmosfera, yer usti va yer osti boyliklarini muhofaza qilish yo‘nalishlari nazarda tutiladi. Xorijda olingan ta’lim bo‘yicha hujjatlarning tan olinganini tasdiqlovchi rasmiy hujjat nusxasi ham qabul qilinadi;

- Ekologiya va atrof-muhitni muhofaza qilish sohasida kamida 3 yillik ish staji;

- Malaka oshirish kurslarida o‘qiganlik to‘g‘risidagi guvohnoma nusxasi.

Arizani ko‘rib chiqish va imtihon jarayoni:
1. Vakolatli organ ariza tushganidan keyin 10 ish kunida talabgorni imtihonga qo‘yish yoki rad etish haqida qaror qabul qiladi. Qaror haqidagi xabar 3 ish kunida yuboriladi.

2. Imtihonning sanasi, vaqti va joyi haqida talabgorga kamida 10 kun oldin xabar beriladi.

3. Imtihondan muvaffaqiyatli o‘tgan talabgorga 4 ish kunida elektron sertifikat taqdim etiladi.
 

Sertifikat 3 yil muddatga beriladi.

Vakolatli organ: Ekologiya va iqlim o‘zgarishi milliy qo‘mitasi.

Xizmat narxi: 1 BHM.
my.gov.uz orqali ariza berilganda 10 foizlik chegirma qo‘llanadi va 0,9 BHM miqdorida to‘lov undiriladi.

Malaka sertifikatini olish tartibi:
my.gov.uz portali yoki MyGov mobil ilovasiga kiring;

«Ekologik ekspertiza obyektlari uchun loyiha hujjatlarini ishlab chiqishga doir malaka sertifikatini olish» xizmatini tanlang;

so‘rovnomani to‘ldirib, yuboring.