Davlat ekologik ekspertizasi markazi

Unda qaror bilan belgilangan atrof-muhitga taʼsirni baholashning yangi mexanizmlari, ekologik ekspertizani o‘tkazish tartiblari hamda sohadagi zamonaviy yondashuvlar ekolog-ekspertlarga batafsil tushuntirilmoqda.

Seminar davomida atrof-muhitga taʼsirni baholash jarayonida amalga oshiriladigan yangi tartib-taomillar, hujjatlarni ko‘rib chiqish va baholash mezonlari, xo‘jalik faoliyatining atrof-muhitga taʼsir darajasini aniqlash hamda ekologik xavflarni baholash masalalariga alohida eʼtibor qaratilmoqda.

Shuningdek, yangi mexanizmlarni amaliyotga joriy etishda ekolog-ekspertlarning vazifalari, ekologik ekspertiza materiallarini ko‘rib chiqishda yagona yondashuvni taʼminlash, ekspertiza jarayonining shaffofligi va samaradorligini oshirish bo‘yicha tegishli tushuntirishlar berilmoqda.

Seminar-treningda ishtirokchilarni qiziqtirgan savollarga mutaxassislar tomonidan batafsil javoblar berilib, qaror talablarini amaliyotda qo‘llash bilan bog‘liq masalalar yuzasidan fikr va tajriba almashildi. Shuningdek, yangi tartiblarning hududiy filiallar faoliyatiga tatbiq etilishi bo‘yicha amaliy tavsiyalar bildirilmoqda.

Mazkur seminar-trening ekologik ekspertiza sohasida faoliyat yuritayotgan mutaxassislarning kasbiy bilim va ko‘nikmalarini yanada oshirish, yangi qonunchilik talablarini amaliyotga to‘g‘ri va samarali tatbiq etish hamda atrof-muhitni muhofaza qilish yo‘nalishida zamonaviy va samarali mexanizmlarni joriy etishga xizmat qiladi.