Tojikiston bilan ekologik hamkorlikni mustahkamlashga doir rejalar belgilab olindi
2026-07-03 19:10:00 / Yangiliklar
Tojikistonda Oʼzbekiston Respublikasi Ekologiya va iqlim oʼzgarishi milliy qoʼmitasi delegatsiyasi Tojikiston Respublikasi Tabiatni muhofaza qilish davlat qoʼmitasi rahbariyati bilan uchrashdi.
Uchrashuv davomida ikki tashkilot oʼrtasidagi hamkorlik natijalari yuksak baholandi hamda kelgusidagi hamkorlik rejalari belgilab olindi. Jumladan, xalqaro maydonda va xalqaro tashkilotlar doirasida Markaziy Osiyo mintaqasining yagona pozitsiyaga ega ekanligini namoyon etish masalalari muhokama qilindi.
Shuningdek, Tojikiston delegatsiyasining “Eco Expo Central Asia 2026” xalqaro koʼrgazmasidagi ishtiroki yakunlari koʼrib chiqildi va “Eco Expo Central Asia 2027” tadbirida ishtirok etishga taklif etildi.
Bundan tashqari, GEFning VIII Аssambleyasi hamda “Green Climate Fund” bilan hamkorlikning yakunlari va istiqbollari yuzasidan fikr almashildi.