Davlat ekologik ekspertizasi markazi

Mukofotlarni O‘zbekiston Respublikasi Prezidentining ekologiya masalalari bo‘yicha maslahatchisi — Ekologiya va iqlim o‘zgarishi milliy qo‘mitasi raisi Aziz Abduhakimov topshirdi. Ko‘krak nishonlari bilan Qo‘mitaning mas’ul xodimlari, tizim tashkilotlari va hududiy bo‘linmalar vakillari, hamkor tashkilotlar, OAV vakillari hamda ekoaktivistlar taqdirlandi.
Tadbirda A.Abduhakimov keyingi yillarda Prezidentimiz rahbarligida ekologik xavfsizlik va atrof-muhitni muhofaza qilish davlat siyosatining ustuvor yo‘nalishlaridan biriga aylanganini ta’kidladi. Bugungi kunda O‘zbekiston ekologik kun tartibidagi dolzarb masalalarni hal etishda xalqaro hamkorlikka alohida ahamiyat qaratayotganini qayd etdi.
Shu kuni Davlat ekologik ekspertizasi markazida ham ushbu sanaga bag‘ishlab tadbir tashkil etildi. Unda Markaz Bosh direktori G‘.Muxamedov soha xodimlarini kasb bayrami bilan qutladi va mamlakatimizda atrof-muhitni muhofaza qilish, tabiiy resurslardan oqilona foydalanish hamda sohaga zamonaviy raqamli texnologiyalar joriy etish borasida amalga oshirilayotgan keng ko‘lamli islohotlarga alohida to‘xtalib o‘tdi.
Tadbir davomida atrof-muhitni muhofaza qilish va ekologik ekspertiza sohasida fidoyilik ko‘rsatib kelayotgan bir guruh xodimlar Davlat ekologik ekspertizasi markazining Faxriy yorliqlari bilan taqdirlandi.
Butunjahon atrof-muhitni muhofaza qilish kuniga bag‘ishlangan ushbu tadbir Markaz jamoasi uchun nafaqat bayram quvonchi, balki tabiat sofligini saqlashdek ulug‘vor vazifaga sodiqlikni yana bir bor namoyon etdi.