Davlat ekologik ekspertizasi markazi pavilyoni – "Eco Expo Central Asia 2026" 2-kun jarayonlari
2026-06-10 15:00:00 / Yangiliklar
"Eco Expo Central Asia 2026" xalqaro ko‘rgazmasining ikkinchi kunida Davlat ekologik ekspertizasi markazi pavilyoni tashrif buyuruvchilar, investorlar va xalqaro hamkorlar e’tiborini tortdi. Pavilyonda ekologik ekspertiza tizimini takomillashtirish, atrof-muhitga ta’sirni baholash, “yashil” loyihalarni qo‘llab-quvvatlash hamda zamonaviy ekologik monitoring yo‘nalishlaridagi faoliyat namoyish etildi.
Tadbir davomida markaz mutaxassislari tomonidan ekologik barqarorlikni ta’minlashga qaratilgan loyihalar taqdim etildi, xorijiy tashkilotlar va investorlar bilan hamkorlik masalalari muhokama qilindi. Ekologik xavfsizlik, chiqindilarni boshqarish va iqlim o‘zgarishiga moslashish bo‘yicha ilg‘or tajribalar almashildi.
Mazkur pavilyon O‘zbekistonning ekologiya sohasidagi islohotlari va “yashil iqtisodiyot"ga o‘tish jarayonidagi yutuqlarini keng jamoatchilikka namoyish etishga xizmat qildi. Natijada yangi hamkorlik aloqalarini yo‘lga qo‘yish va istiqbolli ekologik loyihalarni rivojlantirish uchun muhim platforma yaratildi.