Ekspertlarimiz Belarusda malaka oshirish kurslarini muvaffaqiyatli yakunladi
2026-05-19 10:20:00 / Yangiliklar
Davlat ekologik ekspertizasi markazi delegatsiyasining Belarus Respublikasiga xizmat safari doirasida ekologik ekspertiza va atrof-muhitni muhofaza qilish sohasida xalqaro hamkorlikni rivojlantirishga qaratilgan uchrashuvlar hamda amaliy tadbirlar tashkil etildi.
Malaka oshirish dasturi yakunida Belarus Davlat ekologik ekspertizasi, kadrlarni tayyorlash, malakasini oshirish va qayta tayyorlash respublika markazi tomonidan O‘zbekiston delegatsiyasiga sertifikatlar topshirildi.
Tadbirda Markaz direktori Tatyana Dubik tinglovchilarning faol ishtiroki, professional muloqotga ochiqligi va hamkorlikka bo‘lgan qiziqishini alohida e’tirof etib, kelgusidagi hamkorlikni yanada mustahkamlash zarurligini ta’kidladi.
Qayd etilganidek, dastur davomida o'rganilgan bilim va tajriba istiqbolli qo‘shma loyihalarni amalga oshirishga muhim asos bo‘lib xizmat qiladi.