Hashar — el birligi, yurt obodligi timsoli
2026-03-14 18:00:00 / Yangiliklar
Joriy yilning 13–15-mart kunlari mamlakatimiz bo‘ylab “Yurt obodligi, avvalo, mahalladan boshlanadi!” shiori ostida umumxalq xayriya hashari o‘tkazildi. Mazkur tadbir “O‘zbekiston – 2030” strategiyasi hamda “Yashil makon” umummilliy loyihasi doirasida tashkil etildi.
Navro‘z bayrami arafasida o‘tkazilayotgan ushbu xayrli tashabbusda Davlat ekologik ekspertizasi markazi xodimlari ham faol ishtirok etib, Ekologiya va iqlim o’zgarishi milliy qo‘mitasiga qarashli hududda obodonlashtirish ishlari olib borildi. Hudud shox-shabba va xas-xashaklardan tozalanib, manzarali daraxt hamda gul ko‘chatlari ekildi. Mavjud daraxtlar parvarish qilinib, ularga shakl berildi.
Tadbir davomida ekologik muhitni yanada yaxshilash, yashil hududlar ko‘lamini kengaytirish hamda hudud fayzini oshirishga qaratilgan keng ko‘lamli ko‘kalamzorlashtirish ishlari amalga oshirildi.