Davlat ekologik ekspertizasi markazi

Unda Qo‘mita, tizim tashkilotlari va hududiy boshqarmalari, jumladan Davlat ekologik ekspertizasi markazi rahbar hamda xodimlari, Din ishlari bo‘yicha qo‘mita, Ichki ishlar vazirligi, O‘zbekiston xalqaro islomshunoslik akademiyasi mutaxassislari ishtirok etdi.

Tadbirda mutaxassislar yurtimizdagi dinlararo va millatlararo totuvlikni jamiyat barqarorligi, davlat siyosatining asosiy ustuni sifatida ta’kidlab o‘tdi.

Yangi O‘zbekistonda din va davlat munosabatlari bir-birini to‘ldiruvchi, xalq manfaatiga xizmat qiluvchi tizim sifatida shakllanmoqda. Bag‘rikenglik – bu shunchaki shior emas, balki har bir fuqaroning qalbida joy olishi kerak bo‘lgan qadriyat ekani alohida qayd etildi.

Shuningdek, bugun jahondagi ziddiyatlar, ayniqsa, diniy niqob ostidagi nizolar barcha jamiyatlarni ogoh bo‘lishga chorlamoqda. Shu nuqtai nazardan, O‘zbekistonda turli millat va din vakillarining tinch-totuv, o‘zaro hurmat muhitida yashab kelayotgani e’tirof etildi.

Tadbir davomida ishtirokchilar davlat va din munosabatlari haqidagi qonunchilik asoslari, diniy erkinlikni ta’minlashga qaratilgan islohotlar, jaholatga qarshi ma’rifat orqali kurashishdagi yangi yo‘nalishlar haqida fikr almashdi.

Tadbir yakunida noqonuniy diniy materiallarni tarqatish, olib kirish va saqlash bilan bog‘liq faoliyat hamda ijtimoiy tarmoqlarda kuzatilayotgan tendensiyalar haqida ham so‘z yuritildi.