Davlat ekologik ekspertizasi markazi

Unda Davlat ekologik ekspertizasi markazi Bosh direktori G‘. Muxamedov, Alisher Navoiy nomidagi Toshkent davlat o‘zbek tili va adabiyoti universiteti o‘qituvchisi Karomat Mullaxo‘jayeva va Fayzullo Iskandarov hamda markaz xodimlari ishtirok etdi.

So‘z mulkining sultoni hayoti va ijodiga bag‘ishlangan mazkur tadbirda Alisher Navoiyning bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz rivojida ham alohida o‘rin egallashi xususida so‘z yuritildi.

Ta’kidlandiki, shoir o‘zining she’riy va nasriy asarlarida yuksak umuminsoniy, vatanparvarlik g‘oyalarini, ona tilimizning beqiyos so‘z boyligi hamda cheksiz ifoda imkoniyatlarini butun jozibasi va latofati bilan namoyon etib, yer yuzidagi millionlab kitobxonlar qalbidan munosib, mustahkam o‘rin egallagan. Alisher Navoiyning adabiy merosini tizimli va muntazam ravishda o‘rganish hamda targ‘ib qilish biz uchun ham sharaf, ham burch.  

Tadbirda so‘zga chiqqanlar Zahiriddin Muhammad Bobur O‘rta asr Sharq madaniyati, adabiyoti va she’riyatida o‘ziga xos o‘rin egallagan adib, shoir, olim bo‘lish bilan birga yirik davlat arbobi ekanligi, u keng dunyoqarashi va mukammal aql-zakovati bilan Hindistonda Boburiylar sulolasiga asos solgani, “Boburnoma” asari bilan jahonning mashhur tarixnavis olimlari qatoridan ham joy olgani alohida ta’kidladi.

Bugungi kunda ulug‘ bobokalonlarimiz tomonidan yozilgan nafis g‘azal va ruboiylar turkiy she’riyatning eng nodir durdonalari bo‘lib, she’riyat va til nazariyasi sohalariga munosib hissa bo‘lib qo‘shilmoqda.

Tadbir doirasida “Siyosiy-ma’rifat soati” ham tashkil etildi. Unda O‘zbekiston Respublikasi Prezidenti huzuridagi Boshqaruv samaradorligi agentligi tomonidan taqdim etilgan videolavha namoyish etildi. Hafta davomida mamlakatimizda va xorijda ro‘y bergan eng muhim hamda dolzarb ijtimoiy-siyosiy jarayonlar, shuningdek, yangi qabul qilingan normativ-huquqiy hujjatlar hamda ularning mazmun-mohiyati haqida batafsil ma’lumotlar taqdim etildi.