O‘zbekiston Respublikasi Madaniyat vazirligi

Avvalroq Madaniyat vazirligi tizimidagi ta’lim tashkilotlari “Madaniyat ta’limi markazi” tomonidan muvofiqlashtirilishi haqida xabar berilgan edi.

 

Ayni kunlarda Madaniyat ta’limi markazi o‘z faoliyatini boshlab, ta’lim muassasalari muvofiqlashtirilmoqda.

 

Kuni kecha Madaniyat ta’limi markazida, Markaz Ilmiy-metodik kengashi faoliyatini tashkil etish bo‘yicha Ishchi guruh yig‘ilishi bo‘lib o‘tdi.

 

Yig‘ilishda Kengash tarkibini sohaning yetuk mutaxassislari va professor-o‘qituvchilaridan iborat tarkibda shakllantirish, Kengash nizomini puxta ishlab chiqish, shuningdek, Kengashning bugungi kundagi o‘rni muhimligi va sohada o‘z yechimini kutayotgan bir qator muammolar muhokama qilinib, kelgusidagi vazifalar belgilab olindi.

 

Ma’lumot uchun, prezidentning “Ma’muriy islohotlar doirasida madaniyat va turizm sohasida davlat boshqaruvini samarali tashkil qilish chora-tadbirlari to‘g‘risida”gi 2023-yil 27-iyuldagi PF-114-son Farmoni ijrosini ta’minlash, madaniyat va san’at yo‘nalishidagi ta’lim tashkilotlarida uzluksiz metodik xizmat ko‘rsatish, ularning o‘quv-metodik ta’minotini yaxshilash, ta’lim jarayoniga o‘qitishning innovatsion texnologiyalarini joriy etish maqsadida, Vazirlar Mahkamasining tegishli qaroriga asosan, “Madaniyat ta’limi markazi” davlat muassasasi faoliyati yo‘lga qo‘yildi.