“Jo‘raxon Sultonov va Ma’murjon Uzoqov” nomidagi yosh ijrochilar respublika ko‘rik-tanlovining nomzodlarini saralash bosqichi bo'lib o'tdi
2024-09-18 14:00:00 / Yangiliklar
Avvalroq Madaniyat vazirligi, O'zbek milliy maqom san'ati markazi, O'zbekiston milliy teleradiokompaniyasi hamda Farg‘ona viloyati hokmligi bilan hamkorlikda “Jo‘raxon Sultonov va Ma’murjon Uzoqov” nomidagi yosh ijrochilar respublika ko’rik-tanlovi haqida e’lon qilingan edi.
17-sentyabr kuni Farg'onada “Jo‘raxon Sultonov va Ma’murjon Uzoqov” nomidagi yosh ijrochilar respublika ko‘rik-tanlovining nomzodlarini saralash bosqichi bo'lib o'tdi.
Tanlovda Respublikamizning turli hududlaridan 70 dan ziyod professional hamda havaskor xonanda va sozanda ijrochilar ishtirok etishdi.
Bugun, 18-sentyabr kuni soat 18:00da ko‘rik-tanlov g‘oliblari tantanali ravishda e’lon qilinadi va maxsus diplom hamda qimmatbaho sovg'alar bilan taqdirlanadilar.
Shuningdek, O‘zbek milliy maqom san’ati markazi Yunus Rajabiy nomidagi "Maqom" ansamblining konsert dasturi namoyish etiladi.