Jizzax viloyati hokimligida kasaba uyushma tashkiloti hisobot saylov yig‘ilishi o‘tkazildi
2025-03-17 12:50:00 / Yangiliklar
Tadbirda boshlang‘ich kasaba uyushma qo‘mitasi raisi Jamshid Naxalboyev so‘zga chiqib, Jamoa shartnomasi ijrosi yuzasidan atroflicha ma’lumot berdi.
Shuningdek, u so‘nggi besh yil davomida kasaba uyushmasi tomonidan amalga oshirilgan ishlar tahliliga to‘xtalib o‘tdi.
Yig‘ilish davomida kasaba uyushma a’zolari hisobotlarni tinglab, o‘z fikr va mulohazalarini bildirdilar. Ular shartnoma ijrosi, xodimlarning ijtimoiy himoyasi va mehnat sharoitlarini yanada yaxshilash borasida takliflarini ilgari surdilar.
Shuningdek, kasaba uyushma tashkiloti yig‘ilishi kun tartibiga quyidagi masalalar kiritildi, viloyat hokimligi boshlang‘ich kasaba uyushmasi qo‘mitasining 2020-yil fevraldan 2025-yil fevralgacha bo‘lgan davr mobaynidagi faoliyati yakunlari va xodimlarning ijtimoiy-iqtisodiy huquq va manfaatlarini himoya qilish borasida kelgusidagi vazifalar, viloyat hokimligi boshlang‘ich kasaba uyushmasi qo‘mitasi raisini saylash, viloyat hokimligi boshlang‘ich kasaba uyushmasi qo‘mitasi tarkibini saylash hamda Davlat muassasalari va jamoat xizmati xodimlari kasaba uyushmasi viloyat Kengashining hisobot-saylov konferensiyasiga delegat saylash to‘g‘risidagi masala ham ko‘rildi.
Tadbir yakunida kasaba uyushmasining keyingi faoliyati yuzasidan bir qator muhim qarorlar qabul qilindi.