Президентимизнинг фармон ва қарорлари ҳамда топшириқлари асосида мамлакатимизда театр санъатини ривожлантириш, театрлар фаолиятини такомиллаштириш ва уларнинг моддий-техника базасини мустаҳкамлаш бўйича чора-тадбирлар амалга оширилмоқда.
2025-09-26 16:05:00 / Янгиликлар
Шу мақсадда Сурхондарё вилоятида ҳам театрлар фаолиятини қўллаб-қувватлаш ва ривожлантиришга алоҳида эътибор қаратилмоқда.
Бугун вилоят ҳокими Улуғбек Қосимов Қўғирчоқ театрига ташриф буюриб, муассасанинг фаолияти ҳамда унинг моддий-техника базасини мустаҳкамлашга қаратилган тақдимотлар билан танишди.
Ташриф доирасида масъулларга театр биносини таъмирлаш бўйича лойиҳа-смета ҳужжатларини ишлаб чиқиш, моддий-техника таъминотини яхшилаш, жамоанинг гастрол сафарларини ташкил этиш ва репертуарни бойитишда зарур кўмак бериш вазифалари юклатилди.
Шунингдек, шу ернинг ўзида "Термиз" ҳайвонот боғи фаолиятини такомиллаштириш, турларни кенгайтириш ҳамда аввал бўлмаган ҳайвонларни олиб келиб мослаштириш масалалари ҳам кўриб чиқилиб, амалий чора-тадбирлар белгилаб олинди.
Маълумот ўрнида, Сурхондарё вилоят Қўғирчоқ театри 2001-йилда ташкил этилган бўлиб, 240 ўринли залга эга. Театрнинг илк саҳна асари — "Туяқуш-боёқуш" спектакли бўлган.