Пешку туманида қўйчиликни ривожлантиришга қаратилган инвестиция лойиҳаси муҳокама қилинди
2026-10-19 09:50:00 / Янгиликлар
Лойиҳа доирасида чорвачилик учун мавжуд имкониятлардан самарали фойдаланиш, қўйларни парваришлаш ва боқиш жараёнларини замонавий ёндашувлар асосида ташкил этиш, ишлаб чиқариш самарадорлигини ошириш ҳамда соҳада илғор тажрибаларни татбиқ этиш масалаларига алоҳида эътибор қаратилди.
Шунингдек, мазкур ташаббуснинг ҳудуд иқтисодиётига қўшиши мумкин бўлган ҳиссаси, янги иш ўринларини яратиш, маҳаллий аҳоли бандлигини таъминлаш ва чорвачилик тармоғининг ривожланишига хизмат қиладиган қўшимча имкониятлар юзасидан фикр алмашилди.
Таъкидланганидек, бундай инвестиция лойиҳаларини амалга ошириш ҳудуднинг табиий ва иқтисодий салоҳиятидан унумли фойдаланиш, қишлоқ хўжалигида замонавий ёндашувларни кенг жорий этиш ҳамда туман иқтисодиётининг барқарор ривожланишига замин яратиши мумкин.
Учрашув якунида лойиҳани амалга оширишнинг амалий жиҳатлари, мавжуд имкониятларни ўрганиш, истиқболдаги вазифалар ва ўзаро манфаатли ҳамкорликни йўлга қўйиш масалалари муҳокама қилинди.
Мазкур ташаббус Пешку туманида чорвачилик соҳасини ривожлантириш, инвестицияларни жалб этиш ва янги иқтисодий имкониятларни яратиш йўлидаги муҳим қадамлардан бири бўлиши кутилмоқда.