Вилоят Оила ва хотин-қизлар бошқармаси ташаббуси билан «Маҳаллаларда томорқа хўжалигида даромад топишни ривожлантириш ҳамда озиқ-овқат хавфсизлигини таъминлаш» мавзусида амалий семинар ташкил этилди.
2026-04-03 16:25:00 / Янгиликлар
Озиқ-овқат хавфсизлигини таъминлашда маҳаллаларда етиштирилган маҳсулотлар аҳамиятли рол ўйнайди. Бу эса асосий озиқ-овқат турларининг нархи кескин ошиб кетишини олдини олиш, қишлоқ хўжалиги маҳсулотлари импортида имтиёзлардан фойдаланиш ва барқарорликни таъминлашга хизмат қилади.
Пешку тумани Ибн-Сино маҳалласи Афшона қишлоғида “Озиқ-овқат хавфсизлигини таъминлашда менинг ҳиссам” шиори остида амалий семинар ташкил этилди. Унда иштирокчилар томорқадан самарали фойдаланиш, ҳар бир бўш жойдан унумли ишлатиш ва “Ўз уйингдан, ўзинг унумли фойдалан” шиори остида амалий тренинглар олиб борилди.
Семинар иштирокчилари амалиётда қўлланиши мумкин бўлган кўплаб маслаҳатлар, илғор технологиялар ва интенсив етиштириш усуллари билан танишди. Шунингдек, хотин-қизлар томорқадан иқтисодий фойда олиш ва маҳаллаларда озиқ-овқат хавфсизлигини таъминлашда ўз ҳиссаларини қўшиш йўллари бўйича тўлиқ маълумот олдилар.
Мазкур тадбир маҳалла аҳолиси ва айниқса хотин-қизларнинг билим ва кўникмаларини мустаҳкамлаш, томорқа хўжалигини ривожлантириш орқали барқарор озиқ-овқат таъминотини таъминлаш ва маҳалла иқтисодиётини ривожлантиришда муҳим қадам бўлди.