Пешку туманида 90 ёшни қарши олган Ниёз бобо ўзининг ҳалол меҳнати, шижоати ва ибратли ҳаёт тарзи билан барчага намуна бўлиб келмоқда.
2026-03-27 14:40:00 / Янгиликлар
Хонадонда чорвачилик ва паррандачилик ҳам йўлга қўйилган. Ҳозирда 50 га яқин товуқ парвариш қилинмоқда. Шунингдек, 4 бош қўй мавжуд бўлиб, зотдор сигирдан кунига 15 литргача сут олинмоқда.
Бундан ташқари, хонадонда 4 та асалари уяси парвариш қилиниб, улар нафақат асал етиштириш, балки боғдаги дарахтларни чанглатишда ҳам муҳим аҳамият касб этиб, ҳосилдорликнинг янада ошишига хизмат қилмоқда.
Томорқа ерларидан самарали фойдаланиш мақсадида 700 га яқин “Оби новвот” навли қовун кўчатлари экилган. Шунингдек, 4 сотих майдонда исмалоқ ва саримсоқ пиёз етиштирилмоқда.
Эътиборлиси, 90 ёшга кирганига қарамай, Ниёз бобо ҳанузгача тинимсиз меҳнат қилиб, боғдорчилик, чорвачилик, паррандачилик ва асаларичилик билан фаол шуғулланиб келмоқда. У кишининг ҳаёт йўли, меҳнацеварлиги ва ерга бўлган меҳр-муҳаббати ёшлар учун чинакам ибрат мактабидир.