Телеграм ижтимоий тармоғида Пешку туманидаги Чалмагадой ва Чакалон қишлоқларини боғлайдиган йўл жуда абгор аҳволда. Сарлавҳаси остида қолдирилган мурожаат.
2026-03-22 12:20:00 / РАСМИЙ МУНОСАБАТ
Телеграм ижтимоий тармоғида Пешку туманидаги Чалмагадой ва Чакалон қишлоқларини боғлайдиган йўл жуда абгор аҳволда, сарлавҳаси остида қолдирилган мурожаат Пешку туман йўллардан фойдаланиш корхонаси давлат муассасаси ходимлари томонидан ўрганилиб, тасарруфида бўлган маҳаллий аҳамиятдаги 80В 062 “D067 а/й нинг (313 км дан) – Дегдавон қ – Чакалон қ – Хуррам қ” автомобиль йўлининг 0–2 км қисми 2024-йилда “Open budjet” дастури асосида овоз йиғиш йўли орқали жорий таъмирдан чиқарилган.
Шунингдек, 2025-йил ноябрь ойида мазкур йўлнинг 2–6 км оралиғида муассасамиз томонидан аниқланган нуқсонларни бартараф этиш (ямаж ишлари) амалга оширилган.
Бундан ташқари, 80В 062 а йўналиши бўйича Чакалон ва Сарикунда қишлоқларига олиб борувчи автомобиль йўлининг 0–2 км қисмини 2026-йил давлат дастури асосида таъмирлаш режалаштирилган.
Ҳозирги кунда маҳаллий аҳамиятдаги 80В 062 “D067 а/й нинг (313 км дан) – Дегдавон қ – Чакалон қ – Хуррам қ” автомобиль йўлининг 3–6 км қисми таъмирталаб ҳолатда эканлиги аниқланган. Мазкур йўлни таъмирлаш юзасидан тегишли таклифлар Бухоро вилояти автомобиль йўллари бош бошқармасига тақдим этилган.
Ушбу таклифлар инобатга олиниб, давлат дастурлари доирасида зарур маблағлар ажратилгандан сўнг, йўлни босқичма-босқич таъмирлаш ишлари амалга оширилиши режалаштирилган.