Бугун туман ҳокими Ҳ. Давлатов бошчилигида тумандаги корхона ва ташкилот раҳбарлари иштирокида ҳудудларда олиб борилаётган ободонлаштириш ва кўкаламзорлаштириш ишлари атрофлича ўрганилди.
2026-02-16 14:20:00 / Янгиликлар
Бугун туман ҳокими Ҳ. Давлатов бошчилигида тумандаги корхона ва ташкилот раҳбарлари иштирокида ҳудудларда олиб борилаётган ободонлаштириш ва кўкаламзорлаштириш ишлари атрофлича ўрганилди.
Ташриф давомида аҳоли яшаш масканларининг ободончилиги, кўча ва йўлакларнинг ҳолати, ички йўлларни тартибга келтириш, ариқларни тозалаш, чиқиндиларни ўз вақтида олиб чиқиш ҳамда ҳудудларни саранжом-саришта сақлаш масалаларига алоҳида урғу берилди. Шунингдек, манзарали дарахт ва гул кўчатларини экиш, яшил ҳудудларни кенгайтириш, суғориш тизимларини яхшилаш орқали туманнинг экологик ва эстетик қиёфасини янада яхшилаш зарурлиги таъкидланди.
Ёшлар боғи, туман тиббиёт бирлашмаси ҳамда соҳил бўйида амалга оширилаётган ишлар ҳам айнан ҳудудлар ободончилиги ва аҳоли учун қулай муҳит яратиш нуқтаи назаридан кўздан кечирилди. Мазкур обектларда тозаликни таъминлаш, ёритиш тизимини яхшилаш, пиёдалар йўлакларини тартибга келтириш ва умумий инфратузилмани яхшилаш бўйича аниқ вазифалар белгиланди.
Туман ҳокими томонидан барча масъулларга ҳудудлар ободончилиги доимий эътибор марказида бўлиши, ҳар бир ташкилот ўзига бириктирилган ҳудуд учун масъулиятни кучайтириши лозимлиги қатъий таъкидланди. Обод ва файзли муҳит яратиш – аҳолининг фаровон ҳаёти ҳамда туманнинг ижобий қиёфасини шакллантиришнинг муҳим омили экани қайд этилди.