Пешку тумани Гулистон маҳалла фуқаролар йиғини, Жўгара қишлоғида яшовчи фуқаро Тошева Дилдора Эркин қизи томонидан Ўзбекистон Республикаси Президентининг ПҚ–62-сонли қарори асосида ёшлар тадбиркорлигини қўллаб-қувватлаш дастури доирасида тадбиркорлик
2026-02-07 17:35:00 / Янгиликлар
Лойиҳа доирасида иссиқхоначилик ва қишлоқ хўжалиги маҳсулотларини етиштириш, сақлаш ҳамда сотиш йўналишида фаолият йўлга қўйилган. Ҳозирги кунда иссиқхонада мавсумий сабзавот экинлари парвариш қилиниб, етиштирилаётган маҳсулот ички бозорларда эркин сотилмоқда. Ишлаб чиқариш жараёнида замонавий агротехник усуллар қўлланилиб, ҳосилдорликни ошириш чоралари кўрилмоқда.
Мазкур лойиҳа ҳисобига 3 та янги иш ўрни яратилган бўлиб, маҳалла аҳолисининг бандлигини таъминлашга ҳисса қўшилмоқда. Бир ойлик ўртача даромад 49 млн сўмни ташкил этиб, фаолиятдан олинаётган тушумлар орқали солиқ тўловлари амалга оширилмоқда ва маҳаллий иқтисодиётга қўшимча қиймат яратилмоқда.
Лойиҳанинг асосий мақсади – озиқ-овқат хавфсизлигини таъминлаш, ички бозорни маҳаллий қишлоқ хўжалиги маҳсулотлари билан тўлдириш, қишлоқ ҳудудида доимий иш ўринларини кўпайтириш ҳамда оилавий тадбиркорликни ривожлантиришдан иборат.
Тошева Дилдора Эркин қизи томонидан амалга оширилаётган ушбу лойиҳа Пешку туманининг ижтимоий-иқтисодий ривожига ижобий таъсир кўрсатиб, келгусида фаолият кўламини кенгайтириш ва маҳсулот турларини кўпайтириш режалаштирилган.