Республика маънавият ва маърифат маркази Пешку тумани бўлими томонидан йил давомида соҳада амалга оширилаётган ишлар тўғрисида.
2026-02-03 16:50:00 / Пешку туманида ўтказилган Брифинглар
Мазкур муаммоларнинг олдини олиш, жамиятда соғлом маънавий муҳитни мустаҳкамлаш ҳамда “маромийлик” тамойилларига асосланган ҳаёт тарзини қарор топтириш бугунги куннинг долзарб вазифаси ҳисобланади.
Ўзбекистон Республикаси Президенти Шавкат Мирзиёев раислигида 2025 йил 14 октябр куни ўтказилган видеоселектор йиғилишида маҳалла тизимини янги босқичга олиб чиқиш, аҳолининг ижтимоий муаммоларини тизимли ҳал қилиш, жамиятда соғлом маънавий муҳитни мустаҳкамлаш ҳамда фуқароларнинг онгида ислоҳотларга дахлдорлик ва масъулият туйғусини кучайтириш бўйича муҳим вазифалар белгилаб берилди.
Шунингдек, Вазирлар Маҳкамасининг 2025 йил 16 сентябрдаги “Умумий овқатланиш корхоналарида ҳосил бўладиган озиқ-овқат чиқиндиларидан самарали фойдаланиш ва уларнинг атроф-муҳитга салбий таъсирини камайтириш ҳамда ортиқча исрофгарчиликларнинг олдини олиш чора-тадбирлари тўғрисида”ги 589-сонли қарори имзоланди.
Жамиятда айнан маромийлик маданиятини кенг тарғиб этиш орқали фуқароларда меъёрни сақлаш, ортиқча исрофгарчиликдан тийилиш, шукроналик ва бағрикенглик каби юксак инсоний фазилатларни ҳаёт мезонига айлантириш, натижада жамиятда тотувлик, ҳамжиҳатлик ва маънавий барқарорликни таъминлашга эришиш кўзда тутилмоқда.
Шу мақсад йўлида кучлар бирлаштирилиб, Республика Маънавият ва маърифат маркази туман бўлинмаси, Ўзбекистон маҳаллалари уюшмаси туман бўлими, Дин ишлари бўйича қўмита, Ўзбекистон мусулмонлари идораси вакиллари, Оила ва хотин-қизлар қўмитаси туман бўлими, “Нуроний” жамғармаси туман бўлимлари ва бошқа манфаатдор ташкилотлар ҳамкорлигида жамиятда маромийлик кайфиятини шакллантиришга қаратилган маънавий-маърифий тарғибот тадбирларини ўтказиш бўйича чора-тадбирлар дастури ишлаб чиқилди. Унга кўра, тумандаги мавжуд 36 та маҳллаларда тарғибот ишларида долзарб 90 кунлиги белгилаб олинди. Шу муносабати билан тумандаги барча маҳалалларда аҳоли вакиллари иштирокида тарғибот тадбирлари ўтказилди.
Мазкур ташаббус жамиятда соғлом маънавий муҳитни мустаҳкамлаш, ортиқча исрофгарчиликнинг олдини олиш ва миллий қадриятларимизга асосланган меъёрий ҳаёт тарзини шакллантиришга хизмат қилади.