Қуйидагилар Вазирликнинг асосий вазифалари ҳисобланади:

барқарор иқтисодий ўсишни стратегик режалаштириш (таъминлаш);

макроиқтисодий сиёсатни ишлаб чиқиш, мувофиқлаштириш ва юритиш;

инфляцияни жиловлаш, ички истеъмол бозорини ривожлантириш, озиқ-овқат хавфсизлиги ва нархлар барқарорлигини таъминлаш бўйича таклифларни шакллантириш;

ҳудудларни комплекс ижтимоий-иқтисодий ривожлантириш бўйича чора-тадбирларни мувофиқлаштириб бориш;

барқарор ривожланишнинг миллий мақсадларига эришиш ва инсон капиталини ривожлантириш;

ижтимоий ва ишлаб чиқариш инфратузилмасини ривожлантириш дастурини шакллантириш, амалга ошириш ва молиялаштириш;

урбанизация сиёсатини юритиш;

аҳолини уй-жой билан таъминлаш, ипотека бозорини молиялаштириш ва ривожлантириш;

хизматлар ва сервис соҳасини ривожлантириш;

ҳудудларнинг мастер-режаларини ишлаб чиқиш ва амалга оширишни мувофиқлаштириш;

“яшил иқтисодиётга ўтиш стратегияси ҳамда иқтисодий ўсишни “яшил” тамойиллар асосида амалга оширилишини таъминлаш, бу борада давлат сиёсатини мувофиқлаштирувчи орган вазифасини бажариш;

солиқ ва божхона сиёсатини мувофиқлаштириш;

бюджет сиёсати ва бюджетлараро муносабатлар соҳасини такомиллаштириш;

Давлат бюджети ижросини таъминлаш; давлат қарзини ва фискал хатарларни бошқариш;

иқтисодиёт тармоқларининг нархланиши ва молиявий мутаносиблигини таъминлаш;

бухгалтерия ҳисоби, молиявий ҳисобот ва аудиторлик фаолиятини тартибга солиш ва уларни методологиясини шакллантириш;

саноат сиёсатини юритиш, базавий тармоқларда таркибий ислоҳотларни амалга ошириш;

давлат молиясини бошқариш; стратегик аҳамиятга эга давлат иштирокидаги корхоналарни ва тижорат банкларини трансформация қилиш ва хусусийлаштириш жараёнларини самарали ташкил этиш;

давлат-хусусий шерикликни ривожлантириш; кичик ва ўрта бизнесни ривожлантириш ҳамда яхлит тадбиркорлик экотизимини жорий этиш;

давлат харидлари сиёсати юритиш;

рақамлаштириш сиёсатини амалга ошириш;

хорижий давлатлар билан икки томонлама иқтисодий ва молиявий алоқаларни ривожлантириш;

давлат органларининг ички аудит тузилмалари фаолиятини ривожлантириш ва мувофиқлаштириш.