Ўзбекистон Республикаси Иқтисодиёт ва молия вазирлиги

Маълумот учун: бир неча кун олдин “Яшил стартап лойиҳаларини қўллаб-қувватлаш дастури” доирасида энг яхши лойиҳаларни саралаб олиш танловининг финал босқичи бўлиб ўтган эди.

Дастур доирасида 6 нафар инновацион ва “яшил” лойиҳалар танлаб олинди ва уларни рағбатлантириш мақсадида стартап босқичига қараб қуйидаги лойиҳаларга 20 миллиондан 200 миллион сўмгача грант маблағлари ажратилди:

қайта тикланувчи энергия манбаларига асосланган, автомобиль йўлларида ўрнатишга мослаштирилган қуввати 1-5 киловаттгача бўлган шамол генератори “Samsara” лойиҳасига — 200 миллион сўм;

қуёш панелларидан ишлаб чиқариладиган электр энергиясини тақсимлаш ва бошқариш учун ўрнатиладиган “Инновацион маҳаллий инвертор ишлаб чиқариш” лойиҳасига — 60 миллион сўм;

саноат чиқинди сувларидан зарар кўрган сув ҳавзаларини инновацион ўсимликлар билан тозалашга қаратилган “Clean Water” лойиҳасига  — 60 миллион сўм;

қуёш панелларини ҳаракатлантириш орқали уларнинг самарадорлигини оширишга қаратилган “Smart Panels” лойиҳасига  — 60 миллион сўм;

ион-алмашувчи елимдан фойдаланган ҳолда саноат корхоналаридаги чиқинди сувларни тозалаб, қайта ишлаб чиқаришга йўналтириш имконини яратувчи “Wastewater Treatment” лойиҳасига — 60 миллион сўм;

ҳаводаги зарарли заррачалар миқдори, иссиқхона газлари ҳажми ва таркиби ҳамда ҳаво намлигини аниқлаш имкони берувчи қурилма — “Air Quality” ғоясига — 20 миллион сўм.

Иқтисодиёт ва молия вазирлиги

Ахборот хизмати