Япония халқаро ҳамкорлик банки билан учрашув бўлиб ўтди
2024-04-01 16:10:00 / Вазирлик янгиликлари
Маълумот учун: Япония халқаро ҳамкорлик банки – 1999 йил 1 октябрда Япония экспорт-импорт банки ва Халқаро иқтисодий ҳамкорлик жамғармасининг қўшилиши натижасида ташкил этилган давлат молия институти. Ташкилотнинг асосий мақсади хорижий инвестициялар учун ресурсларни таъминлаш ва халқаро савдони осонлаштириш орқали Япония ҳамда хорижий давлатлар ўртасидаги иқтисодий ҳамкорликни ривожлантиришдир.
Хорижий томондан Япония банкининг юқори лавозимли ходимлари, жумладан, Уемацу Йошихиро, Кавамото Хироки, Имаи Кен, Итагаки Аяка ва бошқа масъул шахслар иштирок этди.
Учрашувда JBIC билан ҳамкорлик доирасида ичимлик суви таъминоти ва канализация инфратузилмасини модернизация қилиш бўйича янги ижтимоий аҳамиятга эга халқаро ДХШ лойиҳалари муҳокама қилинди.
Йиғилишда Япониянинг етакчи компанияларидан иқтисодиётнинг турли тармоқларига сармоя жалб этиш истиқболлари ҳам кўриб чиқилди.
Учрашув якунлари бўйича ҳамкорликнинг янги йўналишларини янада ривожлантириш мақсадида ўзаро ҳамкорликни фаоллаштириш бўйича келишувга эришилди.
Иқтисодиёт ва молия вазирлиги
Ахборот хизмати