“Шаҳрисабз” туристик марказида тадбиркорлик фаолияти учун ер участкалари аукцион савдоларига чиқарилди
2024-03-29 15:50:00 / Вазирлик янгиликлари
Аукцион савдоларига чиқарилган лотларнинг фаолият тури Туристик марказда замонавий хизмат кўрсатиш мажмуалари ва туризм инфратузилмаси объектлари, жумладан, меҳмонхоналар, меҳмон уйлари, соғломлаштириш, савдо-кўнгилочар марказлардан иборат.
Эътиборли жиҳати, Ўзбекистон Республикаси Президентининг 2023 йил
28 ноябрдаги ПҚ-376-сонли Қарорига мувофиқ, аукцион савдоларида қатнашиб, ғолиб деб топилган тадбиркорларда умумий тўловни 10 йил мобайнида бўлиб тўлаш имконияти мавжуд.
Шунингдек, “Шаҳрисабз” туристик марказини ободонлаштириш ва кўкаламзорлаштириш мақсадида аукцион савдоларига чиқарилган лотларни боғловчи “Оқ дарё” бўйлаб 10 км замонавий вело ва пиёдалар йўлаги қурилиш ишлари бошланди.
Туристик марказ инфратузилмасини ривожлантириш ва ташриф буюрувчиларга қулай шароитлар яратиш мақсадида ҳудудда ўтган икки йил мобайнида бир қатор қурилиш ишлар амалга оширилди. Жумладан, 110 млрд сўм бюджет маблағлари ҳисобидан 126 км автомобиль йўли таъмирланди, 10 км ичимлик суви тармоғи ва 84 км электр тармоғи тортилди,
16 та трансформатор ўрнатилди, 5,1 км оқова сув тармоғи ҳамда 1000 м³ сиғимли сув тозалаш иншооти қурилиб фойдаланишга топширилди.
Аукцион савдоларига чиқарилган лотлар билан қуйидаги хавола орқали танишиш мумкин.
Иктисодиёт ва молия вазирлиги
Ахборот хизмати