Стартапларни қўллаб-қувватлаш масалалари муҳокама қилинди
2025-08-01 17:35:00 / Вазирлик янгиликлари
Жорий йилнинг 1 август куни Иқтисодиёт ва молия вазирлигининг Кичик ва ўрта бизнес ривожланишини таҳлил қилиш, қўллаб-қувватлаш ва давлат сиёсатини мувофиқлаштириш департаменти директори Тимур Хусанов ҳамда “UzVC” миллий венчур фонди инвестициялар менежери Абдулазал Тошхужаев ва Жаҳон банки вакиллари Ерали Бексултан, Сергей Макаровлар иштирокида стартап экотизимини ривожлантириш юзасидан учрашув бўлиб ўтди.
Учрашув давомида Жаҳон банки вакиллари билан стартап лойиҳаларни қўллаб-қувватлашга қаратилган янги лойиҳа концепцияси муҳокама қилинди.
Бунда стартап ва технологик лойиҳаларга бизнес инвестициялар (“Startup and business investments in technology (SABIIT) project”) лойиҳасининг дастлабки шартлари ва концепцияси юзасидан ўзаро фикр алмашилди.
Учрашувда стартап лойиҳаларни қўллаб-қувватлаш мақсадида Жаҳон банки билан ҳамкорликда янги лойиҳани амалга оширишга келишиб олинди.
Иқтисодиёт ва молия вазирлиги
Ахборот хизмати