Ўзбекистон Республикаси Иқтисодиёт ва молия вазирлиги

JPMorgan Chase & Co.  молиявий холдинг компанияси ҳисобланади. Компания инвестицион банк фаолияти ва молиявий хизматлар кўрсатиш билан шуғулланади. J.P. Morgan JPMorgan Chase & Co. таркибига киради.

Global Evolution молиявий хизматлар соҳасидаги етакчи халқаро компания бўлиб, инвестиция-банк фаолияти, қимматли қоғозлар операциялари, хусусий капитал ва инвестицияларни бошқариш бўйича кенг кўламли хизматларни тақдим этади.

Глобал Эволутион ихтисослашган инвестиция компаниясидир. У Генерали Инвестментс таркибига киради.

Хорижий томондан JP Morgan ижрочи директори Николай Александру-Чидесчук, Morgan Stanley Investment Management компаниясининг ривожланаётган бозорлар таҳлилчиси Петер Сечени, шунингдек, инвестициялар бўйича директор Кристиан Межруп қатнашди. Ўзбекистон томонидан Иқтисодиёт ва молия вазири ўринбосарлари Илҳомжон Умрзаков ва Хуршед Мустафаев, вазир маслаҳатчиси Жасур Каршибаев ҳамда «UzAssets» бошқарув раиси Бобур Абдиназаров иштирок этди.

Учрашув давомида томонлар Ўзбекистоннинг иқтисодий ривожланиши, инвестицион жозибадорликни янада ошириш, шунингдек, қулай тадбиркорлик муҳитини яратишга қаратилган иқтисодий ислоҳотлар ҳақида фикр алмашди. Мамлакатда давлат-хусусий шериклик (ДХШ) механизмларини қўллаган ҳолда амалга оширилаётган инфратузилма лойиҳаларига алоҳида эътибор қаратилди.

Хорижий томон макроиқтисодий ислоҳотларнинг ижобий динамикасини юқори баҳолаб, тадбиркорлик муҳитини яхшилаш ва иқтисодий барқарорликни мустаҳкамлашда сезиларли ютуқларга эришилганини таъкидлади.

Учрашув якунида томонлар узоқ муддатли шерикликдан манфаатдор эканликларини билдирди ва иқтисодиётнинг турли соҳаларида ҳамкорликни кенгайтиришга тайёрликларини маълум қилди.

UzDaily.uz