“Коррупция — тараққиёт кушандаси” шиори остида тадбир ўтказилди
2023-12-01 18:50:00 / Олиб борилаётган амалий тадбирлар
Давра суҳбатини Иқтисодиёт ва молия вазири ўринбосари Абдулазиз Хайдаров кириш сўзи билан очди. У ўз нутқида Иқтисодиёт ва молия вазирлиги тизимида коррупсияга қарши кураш ишлари қай тарзда олиб борилаётгани тўғрисида батафсил маълумот берди.
Шунингдек, вазир ўринбосари коррупсия мамлакатимиз ривожига катта тўсиқ бўлишини айтиб, барча ходимлар, аввало, ўзи оиласи, ватани учун ҳалол меҳнат қилиши шарт эканини таъкидлади.
Бундан ташқари, Иқтисодиёт ва молия вазирлигида давлат харидларига оид “Коррупсиясиз соҳа” лойиҳаси бўйича амалга оширилаётган ишлар тўғрисида маълумот берилди. Давлат харидларида коррупсияга йўл қўймаслик — қонун ва соҳадаги бошқа норматив-ҳуқуқий ҳужжатлар талаблари бузилиши ҳолатларига оид маълумотларни очиқ ахборот манбаларида эълон қилиб бориш асосида амалга оширилиши айтиб ўтилди.
Қолаверса, Коррупцияга қарши курашиш агентлиги, вазирликнинг Давлат қарзи ва Давлат бюджети департаментлари томонидан ҳам ушбу йўналишда амалга оширилаётган ишлар тўғрисида маълумотлар бериб ўтилди. Коррупцияга қарши курашиш ва комплайенс назорат бошқармаси томонидан тақдимот намойиш этилди.
Тадбир очиқ ва самимий руҳда ўтди. Якунда барча иштирокчилар ўзларини қизиқтирган кўплаб саволларга жавоб олдилар.
Иқтисодиёт ва молия вазирлиги
Ахборот хизмати