ТАДБИРКОРЛАР ВА САРМОЯДОРЛАР ДИҚҚАТИГА!

Ўзбекистон Республикаси Президентининг “Ўзбекистон Республикаси Халқ таълими тизимини 2030 йилгача ривожлантириш концепциясини тасдиқлаш тўғрисида” 2019 йил 29 апрелдаги ПФ-5712-сонлида Фармони ва Ўзбекистон Республикаси Президентининг 2023 йил 26 майдаги ПФ-79-сонли Фармонининг 1-иловасида Мактабгача ва мактаб таълими вазирлиги фаолиятининг устувор йўналишларидан “мактабгача, умумий ўрта ва мактабдан ташқари таълим соҳасида нодавлат таълим хизматлари секторини янада қўллаб-қувватлаш, унинг ҳар томонлама ривожланиши учун қулай шарт-шароитлар яратиш” белгиланган.

Қашқадарё вилояти, Косон туманида жойлашган 13-сонли умумтаълим мактаби ҳудудининг бўш турган ер майдонида хусусий ташаббускор “GREEN POWER BUSINESS TECHNOLOGY” MCHJ томонидан ташаббус таклифи, шу жумладан лойиҳа концепцияси тақдим этилган. Мазкур лойиҳада 13-сонли умумтаълим мактаби (0,50 гектар) ҳудудида нодавлат мактабгача таълим ташкилоти таълимни ташкил этиш режалаштирилган.

Лойиҳа юзасидан хусусий шерикни танлаш Ўзбекистон Республикасининг “Давлат-хусусий шериклик тўғрисида”ги Қонуни ҳамда Ўзбекистон Республикаси Вазирлар Маҳкамасининг 2024 йил 30 октябрдаги 720-сонли қарори талабларига биноан амалга оширилади.

Илова қилинаётган ҳужжатлар:

Қизиқиш билдириш учун сўров шакли;	Лойиҳа концепцияси;
Лойиҳа тўғрисида маълумот.

Тендерда қатнашиш учун тадбиркорлар томонидан қизиқиш билдириш учун сўров ва тендер таклифларини 2025 йил 2 сентябрь кунига қадар Тошкент вақти билан 23:59 гача топширилиши керак.

Ўзбекистон Республикаси Мактабгача ва мактаб таълими вазирлиги

Электрон почта манзили: info@uzedu.uz

Телефон рақами: +998(55) 503-74-00

Манзил: 100011 Тошкент шаҳри, Шайхонтоҳур тумани, А.Навоий кўчаси 2а уй

Иқтисодиёт ва молия вазирлиги

Электрон почта манзили: dxshtender@imv.uz, Sarvarbek.Raximov@imv.uz

Телефон рақами: +998(71) 203-50-50 (01925)

Манзил: 100017 Тошкент шаҳри, Истиқлол 29-уй

“Давлат-хусусий шериклик тўғрисида”ги Қонуннинг 17-моддасига биноан, қизиқиш билдириш учун сўров ва тендерлар (таклифлар) олинган тақдирда, давлат шериги томонидан лойиҳанинг хусусий ташаббускори ва қизиқиш билдирган учинчи томонлар иштирокида хусусий шерикни аниқлаш учун тендер ўтказилади.