Иқтисодиёт ва молия вазирлиги тизими ходимлари футбол мусобақасида беллашди
2025-05-19 21:25:00 / Вазирлик янгиликлари
Беллашувда республика бўйлаб турли ҳудудий бошқармалар ва марказий аппарат жамоалари иштирок этди. Мусобақа жараёнида спортга бўлган қизиқиш, соғлом рақобат ва юксак жамоавийлик кайфияти ҳукм сурди.
Натижаларга кўра, Жиззах вилояти Иқтисодиёт ва молия бошқармаси жамоаси мусобақанинг мутлақ ғолибига айланди. Марказий аппарат жамоаси иккинчи ўринни эгаллаган бўлса, Сирдарё вилояти Иқтисодиёт ва молия бошқармаси жамоаси фахрли учинчи ўринни қўлга киритди.
Мусобақа иштирокчиларига диплом ва эсдалик совғалари топширилди. Тадбир якунида соғлом ҳаёт тарзини оммалаштириш, ходимлар ўртасида спортни қўллаб-қувватлаш ва дўстона алоқаларни мустаҳкамлаш бўйича бундай ташаббуслар мунтазам давом эттирилиши таъкидланди.
Иқтисодиёт ва молия вазирлиги
Ахборот хизмати