Халқаро валюта жамғармаси вакиллари билан учрашув бўлиб ўтди
2025-04-16 19:00:00 / Вазирлик янгиликлари
Жорий йилнинг 15 апрель куни Ўзбекистон Республикаси Иқтисодиёт ва молия вазири ўринбосари Ахадбек Хайдаров, Солиқ қўмитаси раисининг биринчи ўринбосари Мубин Мирзаев Халқаро валюта жамғармасининг (ХВЖ) катта иқтисодчиси Винсент де Пол Кукпайзан бошчилигидаги делегация вакиллари билан учрашув ўтказди.
Учрашувда ХВЖ Фискал масалалар департаменти иқтисодчи-экспертлари, Иқтисодиёт ва молия вазирлиги, Солиқ ва Божхона қўмиталари масъул вакиллари иштирок этди.
Конструктив тарзда ўтган учрашувда йирик солиқ тўловчилар ҳудудий инспекцияси ва божхона органлари фаолиятини такомиллаштириш, бюджет даромадлари барқарорлигини таъминлашда идоралараро ҳамкорликни янада ривожлантириш масалалари юзасидан фикр алмашилди.
Музокаралар якунида томонлар ўзаро ҳамкорлик алоқаларини янада ривожлантириш, юқоридаги қайд этилган соҳаларда белгиланган мақсадларга эришишда самарали ва тизимли фаолият олиб боришга келишиб олди.
Иқтисодиёт ва молия вазирлиги
Ахборот хизмати